［打鬥/靈幻/鬼怪］《輪迴。道》/《噬魂》我由古惑仔變咗做現代道士: 29

殭屍的數量多得包圍著我們，被逼應戰

雖說這種傳統殭屍比段一凡他們容易對付得多，但數量實在太多，一隻倒下另一隻補上，像是源源不絕一樣

「九！」英叔拿出捆仙索，拋給九叔

九叔接過繩，明白英叔的用意，用繩套住前排殭屍的腳，一扯！前排殭屍倒下，阻礙著後面的殭屍前進，英叔馬上發箭，一支擊殺一隻殭屍，三隻！六隻！九隻！不過不斷的射出箭，英叔的箭袋好快就清空了，英叔咬破手指頭，用血在弓的兩邊寫上符咒

「血神敕令！借法！」英叔唸咒，符咒發亮紅光





九叔把捆仙索綁在身上，回復雙劍的狀態，左右開弓的揮斬著

我跟靈沒有九叔他們那麼經驗老到，但互相配合著，總算能幫忙清殺殭屍群

「靈！攔住佢地」我叫

葉靈從雙袖中飛出多條白布，攔在殭屍面前，限制他們前進，我看見九叔對捆仙索的操作很帥氣！所以決定學以致用，用繩套著殭屍的腳，一扯！但結果跟九叔的不同...我把殭屍拉到自己身邊...
「嘩！死撚開！」還好我反應快，一劍插入他心臟

「小心啲啊天航！」靈說





「我一時失手姐！冇事，下次唔會㗎啦」

時間慢慢過去，殭屍的數目滅掉過半，在我們的體力殆盡前，終於殺出一條血路

「我地上去上層先！」九叔叫

「好！！！」我們異口同聲

從扶手梯上到一樓，九叔和英叔合力在扶手梯起了一個結界，令殭屍暫時上不到來，為我們爭取休息的機會





「嗄...嗄...多到咁...打到幾時啊？」我氣喘地問

「力敵唔得咪智取，我地依家有時間，可以設計陷阱比佢地踩」英叔指一指結界外的殭屍們

「點設？」九叔問

「我地拎出手頭上有嘅架撐出嚟先」英叔想了想再說

一把弓，兩把桃木劍，兩把金錢劍，兩條捆仙索，大量符紙，一個三清鈴

「我地可唔可以好似電視咁搵啲符貼住佢地個額頭，等佢地唔郁得？」我認真的問

「符的確係可以令殭屍停活動，但個種係鎮屍符，唔係我地依種符」九叔解釋





「咁依家寫啦！」我說

「咁請問你有冇紙同墨呢？」英叔搭著我肩膀

「呃...唔好意思，當我冇講」我又碰釘了..

「唔緊要啦～你都係想幫手姐」葉靈在我耳朵旁說，害我又面紅了，但先做回正事

大家也沉默在想辦法，英叔率先出聲

「我地分頭行事，我拎返把弓同一把桃木劍走，其他你地用」英叔說

「你唔諗住點做？」我問

「商場總有一啲窄啲嘅路，我會引佢地過去，之後用桃木劍當箭用，串串燒咁射穿佢地，快！靚！正！」英叔蹺著手，面帶自信的說





「我突然有個問題想問...」我舉手行前，像個小學生一樣....

「講」九叔看一看我

「點解我地唔直接衝出結界？」我問

「我地的確可以直接衝出結界，但如果比依班殭屍出到去嘅話，會死幾多人，又或者會有幾多人會變殭屍？」英叔回答

「...明白」的確我沒有想這個問題