［打鬥/靈幻/鬼怪］《輪迴。道》/《噬魂》我由古惑仔變咗做現代道士: 24

「廿幾年冇見過？」我驚嘆

「嗯」九叔點頭

聊著聊著葉靈出來叫我們

「你地入嚟食早餐啦」

「好！依家嚟」





這餐早餐的氣氛總算是緩和了不少，吃完後九叔繼續為我查著不同的古卷，但好像也是毫無頭緒

「九叔，搵唔到唔緊要㗎喎，如果唔係你，我死咗幾次啦，已經幫左我好多㗎啦」

「唔會搵唔到！我已經幫唔到一個徒弟，唔想幫唔到第二個！」九叔衝口而出的一句

「第二個？你當我係徒弟？」

「唔好話係唔係徒弟，我都唔想再有第二個𡃁仔係我面前死」看得出九叔有點自責的說出





我拍一拍九叔的肩膀，也不知道該說什麼，這時鐵閘外傳來一把聲音

「好溫馨嘅畫面～」是段一凡，他拉開鐵閘

「你點知我地住依到！」我站起來

「上次你可以係結界走得甩，就知你唔簡單～點可以唔留意下你啊～」這個段一凡一臉邪笑，總是給人一種不簡單的感覺

「請問你嚟我屋企有咩貴幹？」九叔淡定的喝著茶





「冇～我嚟打個招呼㗎咋～」他依然是保持著禮貌，但配合他的邪笑，整件事就好有違和感

「然後？」九叔追問

「我老闆叫我嚟通知你地一聲，唔好再亂咁周圍行啦～如果再唔小心蕩失路就唔似上次咁易搵到路㗎啦～」

「招呼打咗，廢話講完啦嘛？咁唔該你幫我傳句話比你老闆，同佢講我會親自去探佢」九叔這是宣戰嗎？

「喔？！哈哈哈～好啊～我段一凡非常樂意為先生你服務～」他輕輕的鞠躬

他正準備離開時，突然回頭

「嗰邊個位小姐～你好靚～我記得我之前見過你㗎～不過，好可惜個陣我同你嘅遊戲好快就玩完～估唔到仲可以見返你～哈」

他說完就離開了，當我追出去時已不見了影蹤，他剛才的話意思是說當年就是他把葉靈推下樓嗎？！





「靈！係佢？！係佢推你落樓嘅？」我捉住靈的手臂

「我唔記得啊」葉靈看著我

「你試下諗下啦！」

「航！縮手！」九叔叫停我

我才發現我把靈的手都弄紅了

「對唔住啊，我太急躁」我馬上道歉

「唔緊要啊，我好快冇事」葉靈說





「航，做人要冷靜啲，佢咁講，無非就係想你激動，人一激動就好易做錯決定」九叔說

「係...」

「坐低啦，你今晚好好休息，我聽日同你去會一會佢」

「好！」

翌日我們一早起來，收拾東西

「航，依把桃木匕首同你上次用個把唔同，依家威力大好多，浸過黑狗血，係神壇前拜咗七七四十九日，唔洗貫穿心臟都可以有強大傷害」九叔把劍拋給我

「好！」我接住劍，放入背包中

「仲有，呢條捆仙索都係加強版，只要一綁住就可以造成傷害」





我看到九叔把幾種顏色的符紙放入背包

「九叔，點解你有咁多種唔同嘅符，我就得一種黃符嘅？」我問九叔

「唔同顏色嘅符，代表借法多與少嘅程度，分有紅、黑、黃、白四種，黃色最普遍，黑符同紅符嘅反噬力極大，只係一個唔留神，隨時傷到自己，而你用嘅朱砂黃符係你唯一可以用嘅符」九叔詳細的解釋

「哦～明白」我點頭

「搞掂未？出發！」九叔拿起背包就出門

再一次來到荃新天地，上一次才剛進去就被結界困住，這次又會有什麼事