［打鬥/靈幻/鬼怪］《輪迴。道》/《噬魂》我由古惑仔變咗做現代道士: 07

「你依家要諗嘅唔係佢醒咗會點，係隻黑熾靈會唔會再搵你地」他點起香煙，翹腳坐下

「仲會返嚟？！個日我將你比我個銅錢拍咗落佢個額頭，之後有幾舊黑色野飛左出嚟，佢即刻好似就死咁，之後就消失咗」我詳細說出當日的情況

「黑色野，我諗你係講緊佢身體入邊嘅怨靈」他低頭，看似在思考

「怨靈？佢自己都係怨靈， 點解佢身體入面會有怨靈？」我完全不懂是什麼回事

「黑熾靈，怨靈嘅一種，亦係能力比較高嘅一種，一般人遇到必死無疑，你兩個死唔去算係好彩，死後會成為黑熾靈係因為有極強大嘅怨念，大到可以吸埋其他怨靈、靈魂同怨念，而你啱啱講嘅黑色野應該就係佢吸咗嘅怨靈」他道出黑熾靈的由來





「咁即係佢依家只係普通嘅鬼？」

「唔係，佢依然係黑熾靈」

「下？！」

「不過佢都只會係有名無實，可能比普通鬼更弱」佢在我驚訝後才緩緩說出

「不過我好肯定，佢一定會返嚟搵你」





「咁我應該點啊...」我無奈

「我講過一切都係因果循環，你當日做過啲咩你自己應該清楚，我亦都幫過你，之後既野要靠你自己」

「.....」我沉默

「有冇方法可以令佢超生，或者可以幫到佢」大約一小時後，我說出一句話，令他也擺出一副驚訝的表情

他疑惑的看着我， 沉默了一會
「要令佢超生已經冇可能，唯一可以幫到佢嘅，就係殺咗佢」





「要殺？姐係再殺佢一次.....」我低頭

「點解你想幫佢」他問

「當年....」

我將事情的經過全數告訴了他，他沒說話，站了起來，思考了一會

「你都尚算正氣，想為自己做嘅野彌補」

「正氣就唔會害死人啦，我咁多年嚟雖然會打下交，劈下友，但永遠唔會做到盡，會留一條生路比人行.....只係估唔到會出意外」我慚愧低頭的說

「識得認錯同悔疚已經好過好多人，你內心係正，只係成長過程錯左」大叔搭一搭我肩膀





「所以我決定要為自己做錯嘅野去負責，既然幫佢嘅方法係令佢唔好再留連人間受苦，咁我就幫佢解決！大師，你可唔可以話比我知點樣可以對付佢」

他沒回應我，轉身走到一個房間前，這房間的門非常特別，門身寫滿符咒，而門的正中央有一個太極的標誌，他在腰間拿出兩條鑰匙，分別插在太極的兩邊，將太極顛倒後，門打開了，我看着內裡的東西嚇了一跳