【愛情】【冒險】【穿越】【友誼】【喪屍】《三天之後，遊戲開始》: CH.18【Who Knows】【補更】

我將三更合埋咗一齊！咁樣會比較有連貫性！
//
「好聽，把聲好靚。」我不吝嗇自己的讚賞，這的確是好作品。

「係啊，成首歌，詞又正，聲又靚，音樂又輕鬆。配住呢個天嚟睇，真係寧舍夾。」女神沉醉在剛剛的音樂，且看着天上久違的繁星。

「呢個天色，呢啲星星，真係好耐冇喺市區見過啦。」才第三天吧，怎麼會這麼快出現星星？看來香港的污染真是嚴重啊。

「有冇一種想影低嘅衝動？真係難得一見。」





「影低囉，我有相機。唔好攞電話啦。」現在電話是一件危險品啊，等等不小心按錯打電話就壞了。

我捉緊時間，來回在球場與營地之間。

「咔嚓—」剛好是還有底片吧。

「幫我紀錄低，唔該。」她要求我。

「唔知呢度嘅美景，仲可以維持幾耐呢？」





「Who knows？冇人會知架，可能下一秒金仔放粒核彈做新年禮物呢。」

平時對於呢種笑話，我大概只會回一句：「你估玩炸彈人咩？」

但係呢一刻，我想開懷大笑。

「哈哈哈哈哈哈，你夠風趣喎，不過都唔夠我幽默。」笑到不能停下。

「咪玩啦，不過，你估下會唔會淨係香港有事啊啦？」突然認真的問題。





「唔知架，反正到依家我都冇見過其他地方有，順其自然啦。我地又唔係超人，顧好自己嘅地方先！」

完全沒有想過這問題，若然整個世界也陷入危機之中，又有誰人能作出拯救？難道要我們把那些感染者全數殺完嗎，這件事好像有點荒謬。

「仲有，我嘅最大責任，係保護你嘅安全。幾時都係。」肉麻過頭了。

「唔好講呢啲啦，甜到漏啦。不過，呢件事過後，如果真係得救，我想呢，去一次旅行。」她的臉蛋通紅。

「旅行？我都想去，不過唔知要等幾多年呢？咁如果真係有呢一日，你想同邊個去？去邊？」我隨即拿起危險品，打算查看有沒有新聞。

「想去台灣，想去日本，想去歐洲！想同邊個去就⋯唔同你講！」她繼續想着不知道多少年後的旅行。

「我全部都想去。不過特別想去台灣，同鍾意嘅人一齊行十份老街。

帶佢掃街，帶佢放天燈許願同埋影相。





我仲要帶佢去101，俯瞰成個台北。夜市都係一大重點！食嘢係成個旅程嘅重頭戲！我就唔驚肥嘅，唔知嗰個人驚唔驚啦。」我明擺着是在說她。

「唔知邊個可以咁幸福做你女朋友呢？羨慕死人啦。」她不甘示弱，也來裝一番。


「感染者人數繼續攀升！市民繼續留家！」

點開新聞，資訊進入腦袋。

「感染者人數增加再次創新高！數字已經突破250萬關口，預計社區感染人數接近330萬。

專家表示，該病毒傳播性極高，通過宿主啃食人類最為常見，即為血液傳播。未有資料顯示能夠透過空氣傳播和接觸傳播。」

應該不會是空氣傳播吧，要是這樣我們早滅亡了。





「250萬啦，咁快？第三日就咁樣，咁一個禮拜會唔會就大軍壓境。」我開着不好笑的玩笑。

她見我轉了話題，也很自動跟我討論這新資訊，「唔知呢個林太會有咩搞作？重裝人員唔知係咩呢？」

「佢可能係講咗先咋，咁大件事，一時之間去邊度搵人先得架。

重裝啊，斷估係三萬個其中嘅幾千個掛，可能勁啲會有國際傭兵嘅。

希望真係有啦，咁我就可以翻去摺被。」這個情勢，想調動香港人手也是一個大問題吧。

「唔知大家有冇睇到啲咩資料呢？不過我斷估好多人嘅電話都應該冇咩電啦。

唔會仲傻到喺咁用掛。希望佢地睇到呢啲新聞，唔係驚到面青口唇白，或者當場嘔白泡。」





「唔會啦，你擔心咪睇下囉。呢度一對對人，數兩數都10件啦。

裏面仲有20個，你自己睇睇啦，基本上大家都湊成咗一對，應該唔會好多人自己企埋一二邊自己瀨尿啊？」女神推測。

「呢啲，我就當然唔擔心，受到愛情嘅滋潤，佢地會好好地為對方生存。

突然醒起，我叫咗阿餅通知大隊依家打電話係一件好危險嘅事，禁止咗佢地咁樣做。話唔埋已經有人嚇到唔敢用啦。」我笑嘻嘻地說。

「你確定真係冇問題？」這安排的確很多人會不爽。

「有問題都要冇！安全起見。」我也只可以堅持。

我睇住周圍，Alex，Alan，十三，竟然同時在喺球場。

咁，依家仲有邊個打得嘅留低喺營地？





正當我思考緊，就有一股力量要我快啲去睇下。

大叫聲，響遍了此地。