【愛情】【冒險】【穿越】【友誼】【喪屍】《三天之後，遊戲開始》: CH.15(3)【治療師】

「好心你啊，過咗去就唔好記住啦，人地都話你知唔係你嘅錯囉！

人死不能復生，你就算點自責都好，佢地兩位都唔會翻生。

M啊，凡事都要向好嘅方面睇，仲有要凡事留一線，唔好憎自己憎得咁犀利，你會好辛苦。

我呢個局外人，真係最幫到你架啦，有事搵我啦，我會幫到你。除非，我唔得閒啦。」果然是朋友。

「你覺得，我應該救邊個好。」我堅持去問。





「冇話救邊個好，因為你救到邊個都咁好。亂流之下，你可以喺佢地感染者嘅魔爪救到一個人，都算係一件好事嚟架啦。」L不明白我的固執。

「我係救到另一個人，但同時我辜負咗佢嘅期望，更加辜負埋大家嘅期望。

仲白白斷送兩條生命，望住呢一切無聲無息咁發生，我無能為力啊。我好想⋯好想⋯」我不敢哭出聲響，害怕讓人知道我的懦弱。

「M，振作，你唔可以咁樣。當初嘅大志呢？話冇咗就冇咗？你唔可以俾一次嘅挫敗打低！以後嘅路你要點行啊！」

「點樣振作啊，我辜負埋我最着緊嘅佢啊。你教我啦，點做好啊？」





「你只要記住，之前兩位嘅說話。

佢地根本就冇怪罪你，反而你外出救人嘅勇氣卻感動到佢地。

佢地，並非帶住遺憾離開，亦都將佢地嘅唯一牽掛交俾你，你唔好沉浸喺傷痛同後悔之中，你依家要做嘅係保護好人，做到佢地嘅遺願。

你唔可以再次失敗，呢件事你必須要做好。

最後，我講多次，世事你係無法控制架，永遠都冇可能十全十美。」





「我真係得咩？」還是很懷疑自己。

「得。當然得。」L語帶肯定的口吻。

「信你。」我應該要整理好滿身傷痕的自己了。

喺外人眼中，我只不過係發吽哣發咗半分鐘，應該冇大問題。

「M，你唔好咁自責啦。忘記背後，努力向前啊！我地仲需要你。」女神再三強調叫我不要太過自責。

「嗯。但我依家更需要嘅，係補償翻你。」我調皮起來。

「你想點補償啊？」

「我帶咗你最鍾意嘅嘢食同埋飲品，等陣俾你。至於其他補償喎，嘻嘻嘻～」





我壞笑。

「唔好諗埋曬啲衰嘢啦～」

「阿女神姐姐，我唔壞，你邊得嚟愛呢？」

「你點壞都唔夠凱婷咁壞啦！」

「論壞呢，我真係冇佢咁壞啦，我先冇咁勁一次過食幾十支煙仲面不改色。同埋呢啲嘢咁唔健康，當然no way！」向煙仔說不！

「笑死，原來你都知。」她對我知道此笑話的事感到驚訝，一向不跟隨世事的我，竟然也知道近期流傳的瑣事。

「咁出名嘅人，我點都會知少少嘅。」其實只不過是在看社交媒體時無意中留意到的。





「好啦好啦，唔講笑住啦。」我想起了自己有正事要做。

「咁等陣記得幫我攞嘢食嚟啦喎。」她的嘴角又泛起那久違的笑容。好像是從第一天起的第四次還是第三次。

我直接走出營外，尋找阿餅嘅去向。