【愛情】【冒險】【穿越】【友誼】【喪屍】《三天之後，遊戲開始》: CH.15【自我】

第一個記憶究竟係乜嘢…用第二個算數，睇落正常少少咁。

寸進尺退棍，技能選擇完成。

我一棍插向最接近我地兩個嘅「殘疾人士」，

佢隨即倒地呻吟，「嗚嗚呼—」，諗到冇諗過咁容易就倒地。

唔止倒地，仲要開始抽筋。





「對唔住了，我冇心架。」

望向自己殺人（即使他們並非人類）後的雙手，我才驚覺充滿了無形的鮮血。

壓力又再一次增加，因為我根本沒有再次殺害他們的理由，更加沒有打算去終結他們。

「哈呵！唔好埋嚟啊。」我緊握木棍的左手早已濕透「滴答⋯滴答⋯」。

明明只係得少少汗水，點解我會聽到咁多滴水嘅聲。





分明係我自己嘅幻覺。

我根本不想展開一次又一次的殺戮。真的。

本性一次又一次俾咗壓力我，叮囑住我唔好行差踏錯。

唔好將自己推向罪惡深淵。但我控制唔到自己，保衞家園係我嘅使命，本住人性係我嘅原則。

「因為一但失去人性，就會成為一具比感染者更具威脅性嘅軀殼。」





人情冷暖？唔會再出現喺呢種人嘅身上。

「當初懷住嘅初心係咩？」我質問自己。

「你個良心唔會痛咩？」我再三追問。

「你變咗啦。」我並不想聽到這句。

我嘅初心？我個良心？

初心？保護大家，甚至保護香港人，直至呢個家復歸正常。

良心，同初心？究竟有冇兩全其美嘅方法守護初心之餘，仲可以保有良心？

苦苦掙扎。





第二隻嚟挑戰嘅感染勇士上前。

我已經再冇勇氣將其斬殺。

又或者，我應該放過佢地。

畢竟，佢地都有家庭。

但係，呢個世道，唔係你死，就係我亡。

嚟唔切思考全套，感染者已經開始逼近。

我只好重拾木棍，將一切推開，帶上阿樂，離開此地。





果然，到最後都係要將一切推開。

倒不如迎合呢個世界，迎合老天爺啦。

或者世界都唔會想睇着自己嘅子民做錯事，

我就更唔應該咁做。

「走啦，都係。」我快要缺氧。

被生活弄得快要猝死。

「做咩⋯」問到半途，他似乎看穿了秋水。

「明嘅，唔使講。」





冇錯，你真識趣。

我就快要被世界改變。

要及時停止所有嘅行動。

撤離毋庸置疑係唯一嘅答案。

「行啦。」我慢慢整理好沉重不已的問題，精神依然無法集中。

恍惚中嘅我，見到天使同魔鬼嘅模樣。

佢地分別伸出手，好似要拉攏我去佢地嘅陣營咁。





小朋友先做選擇，我要晒！

我伸出雙手，分別向兩邊遞出。

就喺即將掂到嘅一刻，佢地都好似沙粒咁流失。

飛向四周。

所有事物，都似虛幻。

天使同魔鬼，同時幻滅。