【愛情】【冒險】【穿越】【友誼】【喪屍】《三天之後，遊戲開始》: CH.12 (7)【希望】

「開飯啦喂，食完就開工。」

「得啦得啦。」

A班同C班應該就safe嘅，不過最後嘅奇怪對話，我真係開始擔心佢地，會唔會有另外一種勢力準備入侵我地嘅班級之中，或者做攻勢，殺我地一個片甲不留？對方既然可以突然進入對話，一定唔會係等閒之輩。

要更加小心謹慎。

「你真係唔驚？我搵命搏架喎。」





「有得驚咩，遲早都要面對。」

「心水清係你啦。」

「多謝晒。」

「係呢個咁嘅世界，你仲有啲咩願望啊？阿樂。」我突然間想起這問題。

「願望啊，好難講，我想搵翻我最後嘅希望咁囉，同埋呢個家可以再次回復正常。」阿樂開始憧憬未來。





「有願望，永遠都係一件好事。作為一個推動你前行嘅永動機，呢個係前提。

除咗願望，我諗第二樣就係你要有一班好嘅朋友、同伴陪住你。

堅持落去，你唔會知道病毒會幾時離開，就正如你都唔知幾時會有世界末日隕石撞地球咁樣，完。

咳咳，係啦，咁請問你嘅最後希望係咩？」

「我嘅最後希望，當然就係一個人。」阿樂望着天空，悠悠地說出這一句。