【愛情】【冒險】【穿越】【友誼】【喪屍】《三天之後，遊戲開始》: CH.10【記憶拼圖】【遺失】

諗起當時我日夜顛倒咁去練習，諗起父母為自己嘅比賽而感到緊張。

我諗起咗自己美滿嘅家庭。

以往嘅我，基本上每日都會帶住M一齊喺屋企食飯。

屋企人聽到M嘅狀況，都完全唔拒絕佢上嚟。

只不過係多一雙筷啫，對我地一家小事only。





每日嘅見面同埋晚飯，令到我地之間嘅關係更加密切。

爸媽兩老都同M打成一片。

日日夜夜都一齊相處，一齊傾心事。

有唔開心嘅，都會一齊大吐苦水，盡訴心中情。

呢啲日子，過一日真係少一日，依家都真係覺得，點解時光似箭，一去不回。





點解唔俾個機會我去好好把握？

定係我自己錯過把握機會嘅機會？

唔知係咪死咗嘅人會特別眼淺，我又開始流眼淚。

止唔住嘅淚水，再次好似洪水咁爆發出嚟。

我一個人靜落嚟，思考住12年嚟嘅事。





突然眼前，出現咗走馬燈。

直接省去咗我思考嘅過程。

但係突然出現走馬燈，並唔係一件好事。

我深知呢件事。

咁代表住，我嘅身體已經慢慢咁出現惡化嘅徵兆。

再唔加快腳步，我就冇辦法返回肉身。

「生命如夢一場，我像如夢初醒，不知始終去留—」

電話鈴聲響起，有些少悲傷嘅感覺，feel到其中有故事。





點解會突然換咗電話鈴聲嘅？

「喂～Hello，凌晨，我係嚟提提你，呢個世界中嘅你，係可以創造無限可能。

同埋，系統可以根據你嘅思想嚟改變你身上持有嘅物品嘅設定。

例如，你嘅電話鈴聲。」

？？！咁咪即係話，呢隻歌，真係唔係我自己轉，之後冇咗件事？

如果你咁講，呢隻歌，咪就係當時我玩結他嗰陣自己創作出嚟嘅歌仔？

熟悉嘅旋律，慢慢喺腦海裏面奏起。





我都有少少唔記得咗何解自己會作出呢首咁好聽，但係卻摻入咗悲情嘅歌曲。

突然，一道強烈嘅光芒照射我嘅房間。

「時間到。」一把莫名其妙嘅聲。

點解會時間到都有嘅。

「即將傳送回到白色地帶（出生點）。」

明明我都冇用盡意志。

「啪—啪」兩下掌聲。

「歡迎翻嚟！」黃月晴說。





「做咩突然之間要我翻嚟。」我帶有些微激動問黃月晴。

「你睇下隻錶。」黃月晴要求。

「18:00囉，有咩問題？」我隨即回答。

「咪就係18:00囉！你睇下你自己出咗去幾耐！足足成20幾個鐘啊！我都係第一次見到有咁強勁意志力嘅人。我係為你安全着想啊！知唔知點解？我接觸過嘅同類案件，最高記錄都係10個鐘多少少咋！

同埋啊，我頭先經系統查你，啱啱好發現你遇上咗一件好容易影響意志嘅事，我先緊急要你翻嚟！

好彩我份人多事啲，擔心你出事，如果唔係，你嘅後果真係不堪設想。」黃月晴狀甚擔心。

「嗯哼，咁敢問黃小姐，我遇上咗咩事會咁容易影響意志？點解連我自己都唔知？」我真心詢問。





「吓，連你自己都唔知咩？咁你想唔想知點解？」黃月晴表示驚訝。

「想知。」我冷淡地回吐一句說話。

「係你隻歌。不過詳情係點，我諗只有你最清楚，呢段回憶碎片，我用第三身嘅角度講述，好似唔夠真實咁，話晒呢件事，好重要。自行get啦。」黃月晴不慢不快地回答我的問題。

睇落係我遺失嘅記憶。相信對我嚟講係一件驚天動地嘅事。