那夜太黑，除了光什麼也看不到: 6

6
我看着他手上的婚戒，觸摸着那份曾經渴望的承諾。
現在卻對那份沉重的承諾感到一種莫名的恐懼。
婚姻對我這種人來說，過於美好。
 
『我同我老婆係由細玩到大 以前住屋村時嘅格離屋』
他從後擁着我，輕聲的說着。
 
『果時我地咩都一齊 翻學放學 幾時都一齊』
『其實就係一齊長大嘅青梅竹馬 拍左九年拖就結婚 一直以黎都算好相愛』




『後黎我地想生仔 試左幾年終於得左 佢叫衍然 我地都好愛佢』
『真係好愛』
 
我從沒想過我身後的這個男人是有孩子的。
他不像個父親，至少父親的模樣不應如此。
 
『後來佢死左 佢走嘅時候一歲都無』
『係老婆幫佢冚被冚過頭窒息死』
沒想到會是這樣深重的話題。
 




『我有試過憎恨 有試過原諒 試過翻教會 見心理專家』
『我諗我到最後只能夠唔再對佢有咩感情』
「咁你有無同佢離婚」
我轉身看着他的雙眼，他迴避了。
 
『我想 但我開唔到口』
『我以前諗俾佢知道我出軌嘅事佢會走 但結果都無』
『其實人好奇怪 我以為佢知道我出軌 佢會因為我不忠而離開我』
『我知道佢係知道 只係佢從來無講過』
我說不出什麼，只覺得，原來每人也背負着一樣份量的傷痛。




我想，如果他是個父親的話，他應該會是個很好的爸爸吧。
 
『後來出軌就好似上左癮咁 停唔到』
『有時我諗 佢到今日都唔同我離婚係因為內疚 但我無辦法同佢講我原諒佢 都只能係咁』
『同每個女人一齊時都好唔同 但講到內心嘢嘅 好似只有你』
他眼神凝視着過去，沒停留多久便回來了。
 
『喂 不如我地試下淫P囉』
『最近我有個朋友好似搞得幾正咁』
我看了看他的雙眼，像刻意隱藏着眼神下的狂喜。
 
「好呀」
我打從心裏無所謂。
 
『咁我打俾佢啦 佢好似姓宋』