溝女101 ｜ 教你由零開始: 怯 你就輸成世
溝女同打交一樣，都係一膽二力三功夫。所以今日溝女101第一堂會先講基本功中既基本功，膽！
膽，並唔係話你On99唔怕柒，狗衝條女死Lur就叫做有膽。
首先，你要明白自己到底去到邊個Level，知己知彼先會百戰百勝。我識好多人其實底子唔差，但就係因為對自己無自信，所以出到黎個樣就斯斯縮縮，腰都挺唔直。大佬呀，你咁樣就算本身個樣中上，都Present到變左下下啦。
第二，你要搵到自己既優點出黎，然後不停提醒自己你呢樣優點。例如，你生得高既，時時刻刻提住自己呢樣優點，去打下波屈下人機，出街望人頭殼頂，儲下自信。
最後，當你有返上下自信，知道自己強弱點，呢個時候你已經了解自己，你識得點樣去Present自己既優點，收埋自己既弱點。到呢個時候，你....仲會怯？