因為ex，我決定向全世界嘅女人報仇: 又一次誘惑

同Nicole食嘅呢一餐飯就好似我地之前相處咁，講下笑，講下無聊嘢。但一講到大家嘅近況....
「係呢..咁你媽咪嗰邊點？」我問。
「我係歐洲嘅時候我諗左好多嘢，好似係外國嘅時候個人會諗得通啲咁」佢話。佢冇答我問題，但我都靜靜地聽佢講佢嘅事。
「我係咪冇同你講我係歐洲嘅事...」佢話。
「嗯..，你講呀..」
「其實我好早就決左左離婚」佢放低左支叉，然後將個人微微傾前。
「當初我岩岩去到歐洲我想搵你嘅時候就比人偷手機...，你話係咪天意..。之後我打比你，你就以為我係法國電話...」
「我...」我想解釋。
「我唔係怪你」佢即刻話。
「嗯..你繼續」


「我嗰陣機緣巧合之下同左其中一個同事講我嘅嘢，..因為真係好辛苦，又冇人可以講。好彩佢個人好好，比左好多支持我。就係嗰陣我就諗住同我媽咪講我嘅事，然後再一齊諗辦法。加上呢幾年我地都儲左唔少錢！..所以我諗應該會夠用..。我返左香港之後就去左醫院探我媽咪，佢好支持我離婚，話唔好留係個衰男人身邊」
「我仲以為因為我，所以你先離婚」我話。
「咁緊係因為你..！..但都仲有好多原因嘅...。只係冇諗過你已經...」佢苦笑左下。
「Nicole..」
「唔緊要呀...，我ok喎..」佢苦笑左下。
「高曉琳...」
「冇事呀..你聽我講埋先啦」佢話。
「好」
「咁之後我就同佢搞手續，我以為佢會留住我，但佢冇。不過都好..既然我都決定左同佢離婚，如果佢同意嘅話手續都方便好多。之後嗰幾個月我都一直搞手續同搵工，本身係諗住等我真係單身嘅時候先搵你...」佢話。我feel到佢越講越sad。
「咁你媽咪嗰度OK就好啦...」我想轉話題。


「嗯」佢講完我地靜左，我嘗試唔好比個氣氛咁尷尬。
「我..叫佢上甜品呀」
「好呀」佢話。

嗰甜品嚟嘅時候嚇左我一跳...，因為隻碟用朱古力漿寫住「I love you」...。
「咦...！唔好意思，上錯左喎..」我同個waiter 講。
「唔緊要啦，就咁啦，唔該你」Nicole即刻同佢講。....好撚尷尬，好上唔上..上啲咁嘅字。
「哦..咁好啦」我話。
「可能唔係上錯呢～」佢笑一笑，然後拎起左部手機影隻碟。
「哈哈..」我都唔知點覆。


「呀～擘大口～」佢笑左一啖，然後吉起左舊甜品同我講。我本能反應就打開左個口，但係食完先覺得有啲唔係幾好。
「幾好食喎」我嘗試扮冇嘢。
「我下次整比你食呀～我都識整」佢笑住咁講。
「唔洗啦..！」
「呀文..」
「嗯..？」我話。
「你可唔可以唔好刻意同我保持距離..」
「....」我完全唔應回覆。
「就唔可以好似以前咁咩...簡簡單單....」佢話。
「Nicole..」
「嗰陣我有老公..，但我地一齊咪一樣咁開心。根本唔需要理人地點諗，我淨係想同你一齊」
「Nicole..我做唔到咁自私...」我話。講完先覺得我咁好似話緊佢自私。
「....，埋單啦，我想出去行下」
「好..」



我地兩個係海運中心上面行，行到最入有啲餐廳，再上有個觀景位幾舒服。我望一望手機，都係9點幾姐，Rachel應該唔會擔心我。我地平排坐左係啲梯級度望住個海，Nicole一坐低就順勢挨埋落我膊頭度。我猶豫左一陣，但最後都係冇推開佢。算啦，今晚都最後一晚...我不斷同自己講。
「呀文～」
「嗯？」
「個海真係好靚」佢話。我唔知佢想講啲咩。
「係呀..我都好鍾意海」
「我好鍾意潛水」佢無啦啦咁講。
「點解嘅..？」我話。有時候真係睇唔透佢。
「因為潛水嘅過程就好似不斷探索個海咁，你唔潛入去就好似永遠都唔會親身望到海下面嘅樣，淨係睇到水面。對人都係嫁...，好多人未了解對方就往往好早下定論..」
「嗯...都係..」
「呀文」佢話。
「係...」
「我知道嫁」佢望住我。
「知道..？」
「我知道你愛我」佢好肯定咁講。
「....」我承認。


「你呃唔到我嫁..」呢句佢講得好溫柔...好引誘..。
「我...」我唔知點覆佢...但佢用隻手捉住左我個頭，然後慢慢移去佢度。我身體好似唔受控制咁，我地..又錫左。佢錫我呢一啖...，好有feel..。對唔住，Rachel。

不快樂怪誰 失散後呆滯在這裡
這裡是廢墟
想愛但愛誰 搜索著留戀的證據
只知我多不對

掉進海的眼淚 淹浸我於心裡
沉重內疚不敢移除
沉落絕望 甚麼也失去
逃避現實 別管對不對