因為ex，我決定向全世界嘅女人報仇: 心底話

「呀文....」佢望住我話。
「嗯？做咩啦」我同佢兩個人坐左係車入面。
「...都係冇嘢啦～」佢笑一笑。
「好啦..」
我地係車入面望住出面，就咁拖住手靜靜地坐左係度。
「不如我地遊下車河？哈哈..好似坐左係度咁」
「可以呀～」我話。
「想去邊？」
「都得～」佢講。我隨便周圍揸，然後順住路由觀塘行去東隧過海。係人都知我想帶佢返屋企，但咁好嘅機會我又點會放過呢，有咩地方好得過帶佢返屋企。佢好似唔發覺我帶佢返屋企，坐下坐下佢就訓著左。我慢慢將架車泊係停車場，輕輕拍一拍Rachel。
「..嗯..？」佢話。


「傻妹，好眼瞓呀？」
「嗯..有少少...。咦，我地..」
「哈哈....」
「傻仔..估到你啦！」佢話。
「咁..我地返屋企，好冇？」
「.....嗯」佢用力點一點頭。我拖住佢行返屋企，我地好似已經好耐冇試過咁樣。原來，以前一直覺得習以為常嘅事，而家要花好大嘅力氣先可以打回原形。我習慣有Rachel，習慣佢係我身邊陪住我。

我地返到上去沖完涼就返左房，佢訓左係床度。我有個衝動好忍唔住過去抱住佢，輕輕摸佢嘅頭髮。要過平淡嘅生活都唔係咁容易，一樣要雙方努去付出，而唔係理所當然。佢擰轉頭望住我，我地好自然咁錫左。錫錫下，佢突然間縮左下，然後向後郁。
「呀文....」
「嗯？」


「咁你同Nicole..」佢有少少唔開心咁。
「....」
「你地係咪仲會見....」
「凝凝..」
「...我..我好驚....」我feel到佢開始想喊。
「凝凝..，你聽我講」
「我想講左先..好冇？」
「嗯..」
「對唔住..我咁講可能好自私...但我想將我心入面嘅諗法講出嚟」佢話。
「你講..」


「我冇諗過原來佢返左嚟我會咁唔開心....，我知嫁..呀文..我一直都知。你個心分左比佢，我一直都以為自己可以承受到。由我地一齊嗰一日開始，你同我講過你放唔低Nicole...，我預左嫁...！我一直都忍住..，我知你同我講過，但我真係好犯賤..。我好鍾意你..我只係想同你一齊。同埋嗰陣Nicole唔係度，我以為自己可以令你慢慢忘記佢....。嗚.....我....我以為.......點知.....我原來係咁自卑..咁冇自信。我曾經有諗過....如果要爭嘅話....我一定會贏..。嗚...但係你一同佢講你地嘅事..我真係...真係好崩潰.....！你知唔知...我個心好似裂開左咁....嗚....。對唔住...我知你一早有講..，係我唔岩..我唔應該咁諗...。原來，我真係唔可以....我..我盡左力啦....呀文...我堅持唔住啦.......嗚...」佢喊到我好心痛...明明係我做錯，點解要佢嚟道歉。
「凝凝...，對唔住」
「唔係你錯...係我錯..」
「傻妹..！我先係錯嗰個，我根本唔應該咁貪心...，我有你仲想要其他人..」我即刻抱住佢。
「凝凝，你唔好喊先啦....你冷靜啲先....」我再話。
「.....嗯」佢話，我一直抱住佢等佢慢慢冷靜返，然後再同佢講嘢。
「我會再見多佢一次...，就最後一次..，好冇？」我同佢講。
「幾時....？」
「我未知..但我要拎返比左佢嘅鎖匙....，如果你真係好唔想..我就唔去..」
「....你去啦..唔緊要嫁，我嗰日會乖乖地係屋企等你..」
「嗯....好」
「呀文」
「嗯？..」
「我愛你」
「我都愛你..」我話。



Nicole...你為我付出左咁多...但我到頭來竟然咁樣...。我原諒唔到自己，然後我望住Rachel 而家嘅樣..我一定傷得佢好深。我唔知係佢心裏面嗰條刺會留低幾耐，但我知道我要用好長好長嘅時間先可以換返佢對我嘅信任。我岩岩約左Nicole下個禮拜見佢，我唔知應該點做先可以唔好再傷到佢...。上次同佢傾嘅時候我忍住對佢嘅感情扮cool..，但而家諗返起都覺得自己好衰，佢一定覺得好hurt。我好似做咩都會傷害到其中一個咁。我想Nicole幸福，我想帶幸福比佢，但同時我都好想帶幸福比Rachel。

紫凝，對唔住
曉琳，對唔住

有種旋律叫想念著
愈想念 愈加心疼
走過了 流浪了 依然深刻
謝謝你 微笑著 成全了而放手了
留下這心痛的 這只屬於你的情歌