因為ex，我決定向全世界嘅女人報仇: 冷靜
「Nicole.....」我比佢抱住...個人完全冇想推開佢嘅感覺...。好似我地就係天生一對咁，呢種咁熟悉嘅感覺令我冇辦法唔抱住佢...。但我個腦不斷諗起Rachel..我理智同我講我而家係出軌。
「唔好講嘢住.....就比我抱一陣....好冇？」佢用有少少哽咽嘅聲同我講嘢，我根本冇能力拒絕佢。
「嗯...」我隻手甚至乎自自然然去輕輕掃佢背脊..。我地攬左好耐..，我熟悉嘅體香...頭髮尾...熟悉嘅女人....。我之前日日夜夜掛住嘅一個女人...而家活生生企係我面前，仲要已經係單身....但我竟然冇好開心。更多嘅只有迷惘，同不停嘅內心爭扎。
「呀文.....我返嚟啦.....好對唔住...。可能係你眼中我好自私..好唔好顧及你感受...，但我真係每一日都諗住你。我話你知..識左你之後我再冇比過我前老公掂我..，因為我淨係想個人同個心都比哂你...」佢話。
「Nicole....」我根本唔知點覆佢，佢咁樣講我更加內疚，覺得自己唔應該趁佢唔係度嘅時候同Rachel 一齊。
原來佢一直一個人，但我反而有人陪住我...，對佢嚟講一定好辛苦好孤單....。但係最大嘅問題係，我而家都冇辦法同佢一齊。就算我同Rachel拍拖之前有講過我個心有Nicole，但而家咁樣放棄佢就更加會傷害佢。屌！好似個天玩我咁...。由我鍾意Sophia但比佢傷害，到呀婷鍾意我咁多年但我對佢冇feel..仲要食左佢。好啦，而家比我遇到個鍾意嘅人啦，佢又有老公....。之後再遇到個我對佢有好感而佢又鍾意我嘅人...但偏偏呢個時候Nicole又返返嚟....。屌！！！點解成日都係咁！！！我應該要點做..！
佢慢慢鬆開抱住我嘅手，然後將個頭微微向上。我望住佢對眼...我見仲有啲淚光，我feel到佢嘅愛意。佢將個頭控埋我度......越嚟越近....我開始感受到佢嘅一呼一吸...我地撞到鼻尖...。
「呀文....。我愛你」佢講完就合埋眼....錫左落我度..。.......！呢一刻...之前嘅感覺好似出緊嚟咁....，我....我唔想推開佢...，但我冇主動錫返佢...。Nicole一啖又一啖咁錫我...先係輕輕錫，然後再錫我上唇、下唇.....。佢邊錫邊帶住我入左房...，然後我地係張床上面....佢除左自己件衫同我件衫.....。佢伸左隻手想除我條褲.....，我望到我同Rachel買嘅床頭櫃....
「Nicole！」我禁住左佢隻手...
「....嗯...？」
「對唔住....我..我冇辦法.....」我著返件衫，坐左係床。
「.....係咪因為嗰個女仔....」佢話。
「你點知道佢....」
「...果然......」佢好似又想喊咁....。望住佢呢個樣我真係好心痛..我恨不得即刻抱住佢，但我唔可以。因為我正式同左Rachel一齊...我已經仆街夠，我應承過自己..決定左佢Rachel一齊就唔可以再返轉頭。
「對唔住...」我話。
「...我一早就知道....當初我用法國電話打比你嘅時候..我就聽到有女仔聲.....。...岩岩入嚟都見到有女仔鞋.....」佢話。
「我地..我地嗰陣未一齊....」我話。屌..但講完好似仲衰..
「嗯..唔重要啦.....」佢嘅眼淚又一滴滴咁流。
「Nicole...我..我唔知講咩好..但係如果我同左你一齊我真係原諒唔到我自己......」
「.......嗯....我明......嗚....我真係好蠢....」
「你唔好咁啦....」我行埋佢想安慰佢。
「唔係...唔係.....。所有嘢都係我錯...我唔應該咁......。呀文....嗚.....我.......好對唔住........」
「唔緊要..我都冇怪你......我都有唔好...」
「但.....但係.......嗚....你...可唔可以....再比多次機會我.....」佢不停喊，坐左係度開始喊到收唔到聲。
「我.....唔知...Nicole....對唔住...對唔住.......」我都忍唔住喊........。
「我咩都唔要啦....我淨係想要你......呀文...我求下你......」「我....我唔知....我想冷靜下.......好冇..？」
「...好.....好....嗚.....對唔住...我唔應該逼你......我...我走啦....好冇...」佢話。
「......我再搵你好冇....」
「...嗯.....」
「對唔住......」我話。
「唔緊要..........」
「......」
「好啦........掰掰.....」佢喊住咁著返對鞋。
「嗯....掰掰」我好唔忍心比佢一個女仔落去，但我真係好需要時間去冷靜。我個心好亂...我唔知應該點算....我第一次咁糾結.......。
我知道世界上冇後悔藥食
所以我今次做嘅決定，都唔可以令自己後悔
全都怪我 不該沉默時沉默
該勇敢時軟弱 如果不是我
誤會自己灑脫 讓我們難過
可當初的你 和現在的我 假如重來過
倘若那天 把該說的話好好說
該體諒的不執著 如果那天我
不受情緒挑撥 你會怎麼做
那麼多如果 可能如果我
可惜沒如果 只剩下結果