因為ex，我決定向全世界嘅女人報仇: 生日快樂

「佢係咪想你陪呀？」收左線之後，Nicole問我。
「嗯...佢話佢聯絡唔到佢男朋友..話本身約左同佢屋企人食飯，但到而家都唔見人，打比佢又唔通」
「哦...一係你去陪佢啦，我等你返嚟」
「唔洗啦～我諗佢男朋友應該唔會有事嘅..我去到都幫唔到啲咩手..」我話。
「咁好啦，起身食啲嘢先啦，我驚凍哂啦」Nicole笑住拖我隻手起身。
「嗯～」見到佢呢個笑容，我就好似唔記得左擔心Rachel。我起身坐左出客廳食飯，見到Nicole擺哂盤。牛扒煎得好靚，執邊仲有啲薯菜，車厘茄咁，十足去出面食。
「哇..睇落好好食！你咁叻嘅？！」我話。
「哈哈，平時得閒咪煮下嘢食，研究下點樣煮得好食啲，你快啲食啦！」
「好！」我坐低，切左一舊牛扒入口。Nicole就坐係隔離好似個細路女咁眼甘甘望住我，想我讚佢。
「好唔好食..？」佢問。


「緊係好食！你煎到medium ？」
「係呀..唔知你食開幾熟，所以我諗Medium你應該都Ok。如果你怕太生我可以再煮一煮」
「唔洗呀！我本身都係最鍾意食medium！」我話。
「嘻嘻，咁就好啦！你食多啲呀，食完仲有甜品～」
「咁好！？你都快啲食啦，一齊食先開心～」
「好呀～」佢笑一笑。

我一路食，見到Rachel tg搵我。
「佢岩岩終於覆左我wtsapp...佢話今晚去唔到我到，佢同我講佢想冷靜下...叫我唔好搵佢..」
「佢唔係唔見左就好啦..你比啲時間佢啦。Sorry呀，因為同你飲天光搞到你地咁....」我放低左把刀，拎起部電話覆佢。


「傻啦...係我自己嘅決定..」
「你唔好諗咁多先..好好休息下，有咩事就搵我」我話。
「..嗯...」

「做咩啦？」Nicole問我。
「冇呀佢話佢男朋友覆左佢了」
「哦..，佢地分左手？」
「唔係呀，佢男朋友話想冷靜下。不過我都有啲責任...」我話。
「係佢叫你陪佢定係你主動陪佢先？」
「佢叫嫁..我見佢同男朋友嘈，先開解下佢」


「咁唔係你錯啦傻仔，唔洗自責。佢地會咁樣我諗背後都隱藏左好多問題，呢件事係導火線姐」佢話。
「咁又係..」
「唔好諗啦，今晚我想開開心心咁同你過～」佢又笑左一下....係笑得好甜....好靚嘅Nicole。我決定今晚問清楚佢嘅嘢...因為我唔想佢再離開我，然後我一個人係度等佢嚟搵我..
「係呢..點解你會嚟嘅，你仲未答我」
「食埋嘢話你知！」
「神神祕祕咁...好啦」我話。之後我嗱嗱臨食哂啲嘢，因為真係好想快啲知道點解Nicole會係度。
「食完啦！」我話。
「嘻嘻～傻仔」佢行左過嚟錫我，我地又錫左一陣。
「好啦...咁答案係咩？」我問佢。
「你合埋對眼先，我未話ok都唔準打開眼呀！」
「好...」我合埋左對眼。人當合埋左眼之後，你就會focus 左係其他感官上面。我聽到Nicole行左入煮房...開雪櫃聲....再慢慢行返出嚟...然後放左啲嘢係我面前嘅枱面。
「唔準打開眼住！」佢突然間話。
「係～我唔會啦」
我聽到開門聲..佢入左房....出返嚟....然後又係我前面郁左一陣整緊啲....唔....佢錫左落我度。
「傻仔...可以開眼啦..」佢錫完我好溫柔咁係我耳仔邊講。



我一打開眼.......係一個朱古力蛋糕，我完全冇諗過會係蛋糕....
「做咩買個蛋糕返嚟嘅～你想食呀？」我問。
「哈哈，整嫁傻豬！」
「你自己整嘅？」講完呢句嘅時候我留意到蛋糕上面有塊生日牌仔，但係牌仔上面冇寫人名。
「緊係啦！」
「我生日咩？我都唔知嘅？哈哈」我話。
「傻仔～你寫字靚唔靚？」
「下？做咩咁問」
「你答左先啦！」
「正常..？唔算靚唔算醜」我話。
「咁....你幫我寫我個名落去......」佢講完拎左支糖霜筆比我。
「下.....！今日你生日...？」我拎左支筆。
「...嗯....」
「傻妹！做咩唔早啲同我講...等我準備啲嘢比你..，買啲禮物，又或者同你出去慶祝下...」我話。好彩冇去搵Rachel...唔係陪唔到佢過生日我後悔一世...


「唔洗啦，你快啲寫左先啦」佢講完我拎起左支筆，慢慢係塊牌上面用糖霜寫：
「N....i...c..o..l...e......H....a...p..p..y....B...i...r...t...h...d...a..y」
「嘻嘻，寫得好樣衰」佢笑住話。
「咩喎..！我盡哂力啦...」
「傻仔...多謝你」
「下..？」佢又錫左落我度。
「我嘅生日，我..想同我...最..最鍾意嘅人過..」佢細細聲講。我聽完之後個心跳得好快...每次由佢把口講出嚟..我都好心動。但係我又覺得佢好可憐...邊有人生日會自己拎嘢上人地屋企，自己煮嘢，自己整蛋糕比自己，最後叫人地幫佢寫佢個名上去.....究竟Nicole發生咩事..我好想了解佢...
「Nicole....」我話。
「嗯..？」
「我愛你...」我望住佢對眼講。我講完，佢有啲眼濕濕....佢開始好想喊...
「我.....我....呀文....sorry....」Nicole 喊住斷斷續續咁講，我即刻大大力抱住佢。
「冇事啦冇事啦..我以後都會陪住你，信我」
「...嗯...」佢喊住話。

「生日快樂」我係佢喊得冇咁犀利嘅時候係佢耳邊講。


「多謝你...今日係我呢幾年嚟..過得最開心嘅生日..」

我可以 陪你去看星星
不用再多說明 我就要和你在一起
我不想 又再一次和你分離
我多麼想每一次的美麗 是因為你