因為ex，我決定向全世界嘅女人報仇: 夜場經歷

「做咩呆左咁企係度呀！快啲行啦！」Nicole可能飲左啲酒嘅關係，個人都大膽左少少。佢拖住我拉我入去，同時將我由幻想拉返去現實。我望一望後面，妍妍跟住我地入嚟，之後係嗰對玩得好開心嘅狗男女。
Nicole拖住我一路行到去DJ台前面開始跳舞。我平時麻麻地去到咁前，因為有啲Club啲音響太嘈會搞到個人唔舒服，但佢拖住左我我都冇理由拒絕。妍妍同賢狗、Judy都逼左入嚟，慢慢我地五個形成左個細圈仔。有落過club嘅都知道，如果個圈子入面有靚女，總會有啲人入嚟破壞你地一班人嘅樂趣。跳下跳下外面越逼越入，開始有啲男仔靠向Nicole同妍妍，但Judy就好好似搶完板個籃球咁比賢狗用身位保護住。賢狗好似都差唔多得手，我眼見Judy對佢都應該有啲Feel。
但重點係，我feel到Nicole同妍妍都開始有啲唔舒服嘅感覺。Nicole都還好，只係間唔中郁一郁開，避過啲人毛手毛腳。但係妍妍就皺晒眉頭，事關佢執邊有個肥佬係咁壓埋佢，睇個勢似係話比在場嘅男士知道，妍妍係佢嘅。

可能你地都有試過同Fd去club，總會有啲女仔落Club係純粹想成班Fd一齊玩，而唔係為左搵對象。呢個時候，出於男人本能嘅佔有慾，即使佢兩個都只係我識左一晚嘅女仔，只要佢係跟我一齊入嚟嘅，佢地就唔輪到你地班狗公玩。問題又嚟啦.....屌..我應該保護邊個呢..？

Nicole應該仲頂得順..？我觀察左一陣去判斷。但條毒撚隻手好似就嚟放落佢屎忽度。Nicole周圍都有三四條仔，應該係識嘅，似係幫條毒撚收網。唉屌，Nicole 要救呀..

另一邊廂嘅妍妍，比條肥佬係咁Un係咁Un，睇佢個樣似係唔識借跳舞嘅動作去避開佢。妍妍個樣已經唔可以話係Enjoy，直頭就好似啲驚鬼嘅人去海x公園玩鬼屋咁，貼錢買難受。唉屌...妍妍都要救呀....



點好呢...我最怕麻煩。一陣救左Nicole，妍妍又可能要受個肥佬摸。救左妍妍，Nicole難以一敵眾。唉，唯有係咁啦。
「去飲杯嘢！！！？」我同Nicole講。
「下！！！？」
「去飲嘢杯嘢！！？」我控埋佢耳仔講。
「好呀！！」
「我叫埋妍妍佢地！」

「過去飲杯嘢！！？」我控埋妍妍耳仔邊講。
「好！！」佢話。
然後我拉住妍妍隻手，因為個肥佬已經控到好埋。行到吧枱，我鬆開左妍妍隻手，呢一幕咁岩比Nicole睇到。


「好sweet喎！」Nicole笑住話。
「頂你啦..，你唔洗我救炸。」我話。
妍妍塊面紅紅地，分唔到係怕醜定係飲左酒。
「不過岩岩啲人真係幾狼死..」Nicole話。
「賢狗..err呀賢呢？」
「唔知喎，你唔係有叫埋佢地咩？」妍妍話。
「我有呀，唔緊要啦，由佢地。」我奸一奸笑。
而家妍妍係我左邊，Nicole係我右邊，我夾左係中間。
「你地想飲咩？入我數得啦。」
「我要杯Whisky on the rock」Nicole話。


「我好少飲呢啲，唔知叫咩好..haha」妍妍話。
「咁我是但叫杯Cocktail 比你？易入口嘅。er..就snowball 啦。」
「好吖..」

「點吖，有冇開心返啲呀，話哂兩個靚女陪你過喎。」Nicole 笑住講。
「哈哈，咁有自信呀。開心呀，驚你地唔開心炸，唔洗好似要陪住我咁，搵岩Target可以去馬喎～」我話。
「成個場都冇靚仔，陪你傾下計仲開心。」
「好委屈你喎。」我笑左下。
「妍妍呢，你都可以去識下男仔呀。」我同妍妍講。
「我唔啦..haha..本身都係Nicole叫我嚟，我都係想一齊玩。」
「做咩好似賣女咁呀，我地陪你唔好咩？」Nicole 問。
「傻啦，怕你地悶炸，多謝你地就真。」
雖然本來諗住入嚟搵對象，但係而家有Nicole同妍妍陪住我都係一件幾爽嘅事。佢地兩個一高一矮，各有特色，間唔中都唔少仔望過嚟想approach 。但唔好嘅地方就係我搵唔到食，而又唔食得佢兩個。

如果要話點解唔食得..？可能因為佢係賢狗d fd，同埋Nicole同妍妍好似本身就係Fd，食左會搞到啲關係好尷尬...唉點解我又諗到呢一方面。



睇嚟今晚，都係空手而回。