因為ex，我決定向全世界嘅女人報仇: 魔鬼甦醒

「你好同我講清楚。」巨龍軟左嘅我慢慢著返條褲同佢講。
「真係冇事呀..我岩岩..唔係話呀明，我純粹叫呻吟炸..你聽錯啦！」
「咁telegram嗰個呀明又咩料？」
「你偷睇我手機？！」Sophia 邊著緊件Bra邊問。
「我冇禁入去，係你自己較左通知，咁你肯解釋邊個係呀明未？」我開始越嚟越嬲，到火係心入面谷住谷住。
由初戀開始到而家，都未試過比人帽嘅滋味。睇連登、聽Fd講得多，但發生係自己身上面就真係未試過。唔知你地都會唔會曾經有一刻幻想過自己伴侶出軌，那怕你有幾相信佢，幾咁愛佢，你都始終忍唔住去諗。我幻想過好幾次如果Sophia帽我，我應該要點做。

「食屎啦八婆！」然後一巴打落去。
我冇勇氣。
「你哋一齊左幾耐？」冷靜應對。


我做唔到。
「你唔好走...我唔介意你同佢之前嘅事，但唔好離開我..」，委曲求存？
愚蠢至極。

而當呢件事真係發生左嘅時候，我嘅憤怒絕對比傷心多。好，我就比你解釋，睇你講啲咩出口。而家嘅Sophia就好似平時我地做愛一樣，一隻準備被宰嘅羔羊，但今次唔係去下體，而係用我冷冰冰嘅質問。
「佢..係我公司同事..我地冇嘢嫁..」佢細細聲講出嚟。
當佢講左「我地冇嘢嫁」呢啲咁On9嘅台詞，我就知道，我正正式式要同呢個女人分手。
「人地好有錢？高大靚仔？定碌鳩夠粗呀？」我冷笑一聲。
「唔係呀..唔係咁嫁..」
「咁係點？」


「...」

嗯，唔洗解釋了，我怕自己再唔走唔知會做啲咩出嚟。
我換好衫，快手執齊嘢就走。
「B...唔好走...我求下你」Sophia開始流眼淚，一隻手捉住我嘅手。
點解要流眼淚嘅人係佢，佢唔覺得好犯賤嫁咩？
「我以為同你一齊4年，為你做左咁多嘢、改變自己性格去迎合你、經歷左咁多風風雨雨，你就會同我白頭到老。睇嚟我真係太天真，你係咪一直都當我on9仔咁玩？定atm？定用嚟Zip時間嘅傻仔？你講呀！出聲呀！」
「我錯了...我錯了我錯了......唔好走..」佢喊到收唔到聲。

嗰句「收皮啦八婆！」差啲忍唔住講出嚟。


念在我地一齊左4年..呢4年都有唔少美好嘅回憶，我最後講左句：
「唔好再比我見到你，你都唔使旨意再搵到我。」講完我就走左。

我諗每一個男人都一定會憎比女朋友帽，但對於我嚟講，係極之接受唔到。曾經聽過有朋友比對方帽，最後仲結到婚生埋仔。天方夜譚 - 係我當時嘅結論。我係一個佔有慾好強嘅人，未至於要佔有所有嘢，但精神出軌已經唔可以容忍..更何況係肉體上。
我冇辦法幻想另一個男人係我女朋友身上面郁嚟郁去。咁Ex呢？一段感情入面最冇辦法改變嘅嘢就係過去，我曾經都有處女結，但成熟左就發現只係你唔夠愛佢先接受唔到佢嘅過去。
當然，出軌唔撚得。

至於Sophia之後係點，關我撚事。係呢刻，我只係想有人陪。