催眠我嘅家姐細妺: 序章 平凡家庭

「屌！唔係嘛？Joel死咗都算，仲要我操縱個男人婆？」
我無諗過期待咗幾年嘅Last for us 2咁垃圾，忍唔住對住螢幕大叫。

屋企唔係特別有錢，中學生嘅我儲兩個月零用，先買得起隻GAME。我知道隻GAME幾差我都一定會打爆佢，但係啲嘔血劇情真係就嚟令我爆血管。

「喂！你打機就打機，唔好大叫，得唔得？」

本來係廳度用手機睇韓劇嘅阿妹，衝咗入嚟鬧我。阿妹個名叫柳兒，阿爸話希望佢好似垂柳咁輕柔，所以改個咁嘅名。但好明顯阿爸改錯名，因為阿妹性格一啲都唔溫柔。

「你睇劇戴住耳機，我又點會嘈到你呀？」


「就係你大聲到戴住耳機都聽到！」

留住Bob頭嘅阿妹，基本上完全當佢阿哥我係傻仔。我唔明點解咁多人會FF有阿妹會好正，不過好在，我仲有個正常嘅家姐。

「你兩個又鬧交啦。」著住圍裙嘅家姐係廚房走出嚟，阻止我同阿妹繼續鬧交。

家姐巧兒，係大家所講嘅「黑長直」美女，岩岩升大學嘅佢，同阿妹唔同，係一個賢良淑德嘅女人，據聞係學校都好受男生歡迎。

「阿爸就返喇，你兩個快啲幫手開飯。」
「知道！」我同阿妹一齊走去廚房，幫手開飯。



我哋屋企係單親家庭。阿媽生完阿妹無耐就死咗，係阿爸一個人養大我哋三個，亦都因為咁，佢要打兩份工，好多時都唔係屋企。

身兼母職嘅家姐會負責煮飯，其他家務就由我同阿妹分擔。雖然屋唔特別大，但基本上都係一個幸褔嘅平凡家庭。

當我哋擺好晒餐具，阿爸亦都返到嚟。一家四口食飯果時，阿爸話佢搵到另一份兼職，係工廠大廈嘅通宵看更。
「雖然可以邊返工邊瞓下覺，但係夜晚就會少咗返嚟瞓喇。」阿爸一邊飲湯，一邊講：「阿曉，屋企得你一個男人。有乜事就要靠你。」

「噓，會有乜事呀。」我最怕負責任。



「如果有事，阿哥一定第一時間自己走咗去啦。靠佢就死得。」

「我點會第一時間走咗去，第一時間梗係推你出去擋啦。」
　
「做男人做到你推個妹出去擋？」

「咁梗係啦，家姐對屋企咁重要，一定唔會推佢出去。咁只好推你啦。」

「你就唔會諗住自己頂嘅。」

「張家嘅香燈靠我承傳，我更加唔可以有事啦。」

「你搵到女友先講啦。」

「哈哈哈哈。」


家姐同阿爸睇住我同阿妹鬧交，都忍唔住苦笑。畢竟我哋成日都嘈，所以佢哋都見怪不怪。

食完飯，洗埋碗，我諗住去便利店買薯片同汽水，今晚打通宵機嘅時候食。於是踢住拖咁出門搭𨋢。

當𨋢門打開，我見到一個全身黑色衫褲阿叔，企咗係𨋢嘅角落度。我入咗𨋢先發現阿叔竟然無㩒𨋢，於是我就自己㩒咗落地下。

「哥哥仔，你想唔想學催眠術？」

「吓？」

個阿叔忽然同我講嘢，嚇咗我一跳。我擰轉頭望一望個阿叔，但佢戴住口罩，所以我睇唔清楚佢個樣。

「你想唔想學催眠術？」阿叔重覆一次佢嘅問題。

「吓……咩催眠術？我無興趣喎。」無啦啦有個陌生人問你想唔想學催眠術，我諗正常人扮聽唔到，但係部𨋢入面又走唔到，我焗住敷衍下佢。



「咁就可惜喇。我仲諗住教你催眠術。」

動漫裡面嘅催眠術，可以操縱人心，的確係男人嘅浪漫。但係現實中嘅催眠術，最多都係用嚟做心理治療。我又唔係諗住做心理醫生，學嚟做乜？再講，呢個阿叔咁可疑，點睇都一定係呃錢嘅神棍。

「放心，我唔會要你俾錢嘅。」阿叔就好似睇穿咗我嘅諗法一樣。
「我只係覺得哥哥仔你好有做催眠師嘅潛質，所以先話教你。」

「我有催眠師嘅潛質？」

「係呀。催眠師最重要就係一對眼，我見哥哥仔你對眼好靚，完全有條件做催眠師。」

唔係我自吹自擂，我對眼天生淡啡色，好似戴咗color con咁，的確好多人讚過我對眼好睇。全家只有我對眼係咁，阿爸話係阿媽嘅遺傳。

「又會關對眼事嘅。」我當然唔會被人讚兩句就輕飄飄，於是我即時反駁佢。



「真係關事。唔信你望我對眼，我都係因為對眼夠靚，先做到催眠師。」

我望一望阿叔對眼，又真係好深邃，好似一個無底深淵咁，一路將我嘅注意力吸入去。我要強行擰一擰頭，先令自己清醒返。

「我一路搵緊繼承人，想將自己的催眠術傳承落去。但想學嘅無能力，有能力嘅又唔想學，再咁落去就要失傳喇。」阿叔苦笑咁講。

「係咩？咁祝你早日搵到繼承人啦。」我望一望個𨋢燈，竟然只係落咗2層。

「我諗好難搵到一個潛能超越你嘅人喇。咁啦，我俾本筆記你，你得閒咪自學下，總好過失傳呀。」

阿叔遞出一本破爛嘅筆記簿，封面上手寫住「催眠入門」幾隻字。我當然唔想接啦，不過阿叔一路講：「你覺得無用可以丟咗佢。」一路將本筆記擠落我手入面。
「以你嘅才能，一定可以自學成功㗎！」

呢個時候，𨋢門打開，阿叔好快咁走咗出去。留低我一個拿住本筆記企係𨋢入面。當我回過神想追返阿叔嘅時候，佢已經唔見咗影。我只好將本筆記袋入自己後褲袋。



買完薯片回家，我就一路打機。直到第二日我打爆咗last of us 2，再上埋網鬧臭頑皮狗，我先醒起個本筆記嘅存在。

為咗轉換心情，我抱住半信半疑……唔係，應該話係完全懷疑嘅心態開始睇「催眠入門」。最初我只係諗住隨便揭下，但阿叔嘅文筆可以話係意外地好，唔經唔覺我就睇咗2個鐘。

基本上入面寫嘅都係一啲耳熟能詳嘅催眠技巧，即係咩放鬆呀、咩潛意識之類。唯一唔同嘅係，佢有講催眠係建基於信賴之上，因為如果對方唔信賴你，你係好難進入佢潛意識入面。

講真，如果睇完呢本嘢，就即刻學到催眠術，咁應該一街都係催眠師。但唔知點解，我就係有謎一般嘅自信，覺得自己已經掌握到一定催眠技巧。可能呢啲就係阿叔所講嘅才能啦？

人真係好奇怪，當你學習到一樣知識，你就會想試下係咪真係可行。但會信賴我嘅人，諗落真係唔多。

可以試下催眠同學，但由於我讀男校嘅關係，所以班死黨全部都係毒撚麻甩佬，同佢哋講催眠，一定會俾人笑我白痴。

搵屋企人試？但阿爸唔係屋企，即係一係搵家姐，一係搵細妹。
點解我一個女性朋友都無呢……不過呢刻諗嚟都無用，即管試下搵屋企人練習下，如果成功，咪可以用催眠術嚟識女仔囉。

聽日晏晝家姐為咗幫補家計，要出去同人上門補習。屋企會得返我同細妹，一於就搵細妹試下啦。