我中出咗副校: 73. 姐姐和妹妹

「我講真㗎！佢哋仲有段故仔㗎，我講畀你聽。」

佢send 咗一段錄音畀我，亦即係間接逼緊人去帶耳筒啫。

我帶咗耳筒，就聽咗呢段都唔知係咪真嘅故事。

「從前，淑貞同Teresa 係一對由細玩到大，大家年齡掙三年嘅金蘭姊妹。

亦因爲係噉，所以淑貞永遠都會好照顧佢呢位妹妹，直到佢哋大個之後……



佢哋一個就去咗自己嘅中學教書，一個就喺大學繼續讀書，本以爲佢哋河水不犯井水啦，點知，點知佢哋鍾意咗同一個男人。

嗰個男人傳聞就係教育界至高無上，堪稱係全港最強嘅熊潤強博士，佢超凡嘅說話能力好快就俘虜咗兩位年輕美女嘅心。

呀，順帶一提呢，Teresa 同埋淑貞以前都係絕頂嘅美女，一個就有傲人嘅上圍，一個就有纖滑嘅美腿，據說佢哋喺教育界入面非常擅長用佢哋呢兩處優點去爲自己取得好處。

唉，有邊個估到佢哋而家一個就變咗肥婆，一個就變咗老閪，真係歲月不饒人呀。

言歸正傳，Teresa 作爲一個有野心嘅淫蕩索女，佢自然亦都喺擄獲男人心方面更有心得啦，所以就名正言順咁樣做咗熊生條女。



嗱，留意一點先，呢啲全部都係祕史嚟㗎，所以佢哋兩個其實到而家都未結婚。

聽講呢，Teresa 當年就係靠勁過叮噹嘅放大縮細隧道取勝㗎喇！

相較比較純情嘅淑貞嚟講呢，佢就梗係輸蝕好多啦，只不過佢愛得越深，失落自然都越大。

據講，就喺熊生好果斷噉同淑貞斬纜嗰陣，淑貞就因爲太過傷心，嘭一聲！一夜之間就好似白髮魔女噉樣變咗個掃把頭，面容憔悴嘅麻煩女人，更加好努力去證明自己，日日都着啲短裙短褲去展示自己保持多年嘅「美腿」。

佢自然亦都同爭仔嘅Teresa 斷絕佢哋嘅關係，只不過當佢喺公衆場合嘅時候，總係會稱呼呀Teresa 做妹妹，加上奸狡嘅笑容，就好似等緊一個機會去報仇噉樣。



雖然Teresa 喺過咗咁多年之後，一早就同嗰個幾年前出名篡改歷史而喺教育界遺臭萬年嘅熊生冇聯絡，但係以淑貞喺大學教書嘅嗰種強硬作風，我肯定遲啲佢一定會同副校翻雲覆雨㗎！

不過，我查過呢，佢就同校董會嗰班前校長派嘅人冇咩交情，話雖係噉，但入面一定係有個極大嘅陰謀，我先唔信佢哋係冇心揀呢個人做校長！

佢哋一個係校長，一個係副校，只要佢哋兩個互鬥，天下一定大亂，你都記住要小心啲喇！

戴翻個頭盔先，呢啲就係祕聞嚟嘅啫，講咗出去嘅話可能會招嚟殺身之禍㗎！信不信由你！」

噉佢哋有啲牙齒印都唔出奇嘅，只不過我真係諗唔明，既然係會有殺身之禍，噉點解佢要漠視網絡安全，send 個錄音畀我呢？

「噉你又錄音？唔驚招嚟殺身之禍？」我潤咗佢一句。

寧可信其有，不可信其無，就算呢個真係故仔，我都應該忌諱同自己唔同派系嘅校長。

雖然辦公室政治一向都唔係我想理嘅嘢，但係，呢間係學校嚟㗎喎！係社會嘅縮影嚟㗎！



喺個咁黑暗嘅地方度生存，爲咗自保，我都唯有主動走入呢潭渾水，捲入呢場鬥爭。