我中出咗副校: 38. 人來人往

我勉強用自己嘅意志力堅持多一個鐘，就已經感受到精盡人亡嘅感覺喇。

身體嘅力量就好似畀人抽乾一樣，四肢都變得軟賴賴，仲辛苦過做碼頭咕哩。

「以你呢個年紀嘅話，你應該係我遇過最好體力嗰個喇喎！」佢以慈母嘅笑容望住我，令我一時意識到自己係屌緊同我老母同年嘅人。

「邊係呀，我都唔夠啲後生嘅嚟。」我報以一個尷尬又不失禮貌嘅微笑望住佢，心諗：你呢個六十路老而彌堅，咪仲好體力過我？

「係喎！早排個首爾科技遊學團你搞成點呀？就嚟出發喇喎！」佢一完事就即刻講公事，果然係工作狂。



「誒......所有行程已經編完，我哋宜家係掙機票未收到嘅啫。」我入標，計數，編行程呢啲乜撚都做嗮，換嚟嘅係連帶團都冇得帶，原因只係因爲我係男老師.......

「咁就好喇！仲有你哋IT Team 咪話要update 學校防火牆嘅咩？搞咗未呀？」冇錯，我宜家收住普通老師嘅糧身兼教書，學校內會同埋IT Team 呀頭嘅職銜，有時連幫老師整電腦呢啲無聊嘢都要自己做，呢間嘢真係使人使到盡.......

「係嘅，我地應該掙少少就做完㗎喇！」

「ok, 仲有我部電腦壞壞地，你下個星期一幫我整呀！」我啱啱一諗起，佢就咁講，難道呢個就係IT 狗嘅悲歌？

我一啲都唔想返份咁chur 嘅工，一啲都唔想身邊嘅係副校，只係想要個正常啲女朋友，有個正常嘅生活咋！



意想不到嘅係，佢竟然錫咗一啖落我塊面到。好彩我未反應得切咋，唔係啲反射神經一定下意識咁刮咗佢一巴。

我合埋隻眼，費時自己又見到駭人嘅副校。如果自己身邊係一個靚女，又或者係我以前啲ex, 又或者係雯雯嘅話，成件事會好幾多呢？

「閉起雙眼你最掛念誰 眼睛張開身邊竟是誰」

雖然我好耐都冇失戀，只不過呢句歌詞竟然出奇地同宜家嘅窘境相配。

望住牀低暗角嗰個上手留低嘅安全套，我總係諗，究竟老闆喺櫃檯望住啲人出出入入，係見得情侶多，定係齋得肉體關係嘅人多。



我呢一刻非常之唔想自己屬於前者。

算啦，反正打工都係出賣靈魂啫，唔掙在出賣肉體嘅。

「都係時候走啦，你都早啲休息喇。」佢攞返擺喺梳化上面嘅衣物同手袋，入一入廁所之後就走咗。

我攤咗一陣，都急急腳走人喇，今日仲要煩埋佢助理嗰單嘢。