等等下巴士都可以溝到女?

每朝早返工都會有好多OL，企哂係度等巴士，你有無諗過點樣可以識到佢地？以下就有個方法你可以試試。

首先，搵岩目標先，時間最好係8點後，愈遲愈好，之後再講點解。搵岩目標呢就拿拿聲排佢後面，跟住就要交戲啦，你要係咁睇錶，係咁睇Apps Check架巴士仲有幾耐到，再口噏噏細細聲呻下「架車咁耐ga」。

之後呢你就揮手截的士，截到就問你前面既目標:

「小姐，我趕時間所以諗住坐的士。我諗你都係過海ga啦，反正我點都要俾咁多，有無興趣一齊？我兜埋你」。

呢個時候，個女仔會十五十六。但記唔記得我上面提過，愈遲搵目標愈好，因為愈遲，目標趕時間既機會愈大，佢答應既機會都愈大。多數靚女掛住化妝襯衫，每朝都頻臨遲到既邊緣。你有幾何見到靚女會晨咁早返公司坐，多數都係放棄自己既呀嬸先會早返遲收，因為佢地無人理。





講返正題，條女基於趕時間、貪小便宜同唔想捱巴士，就答應左啦，跟你上車。之後就要做D無恥既事啦......臨落車，你就拎銀包出黎數銀紙，記住預先拎淨$100左右係度。然後講「仆街啦，尋晚去完富士唔記得撳錢」。係咁你就收左皮啦！你唔好叫雞呀。再講返正題，你數完銀紙就同條女講:

「小姐，唔好意思呀，我尋晚唔記得撳錢，介唔介意借住$300俾我呀？」

為左減低佢戒心，你可以俾張卡片佢，如果你份工見得下人就最好啦。

「你一陣收工還返俾你呀，你係咪都直接返屋企？」

咁你就可以又拎到電話，收工又可以同目標一齊返屋企啦。如果佢死都唔俾電話你，都唔緊要，起碼你賺左一程的士😎公就我贏，字就佢輸。





========

Our Instagram: hkmixgirl