故事一：殭屍之城: 二十七：骨精靈救助－哈佬喂世界

「你見到佢？」芊雪：「係呀」石敢當：「你竟然見到本尊？」「呢個哥哥叫石敢當，暫時會住喺我哋屋企～不過唔係人人見到佢㗎」

芊雪：「唔...」好彩你有除衫嚟(石敢當第一次出現嘅時候冇着衫。

藍田村件事過咗五個月之後一直冇乜嘢發生，就算出現嘅都只係一啲殭屍仔。

直至今日
仲有兩日就10月，即係Halloween，芊雪好似有啲好奇同期待呢個節日。

正當我抬着一盒萬聖節裝飾品返到屋企。入面有個着住西裝嘅骷髏骨，佢擰過嚟。「倩瑜芊雪！個骷髏骨你哋整㗎？」





佢哋兩個行出嚟。倩瑜：「咩啊？唔係你放喺度嘅咩？」
骷髏骨：「唔好意思呀」佢兩個個嚇咗一跳：「啊！！！」

石敢當食住青提子行出嚟。

「鬼定邪靈呀？」 骷髏骨：「骨精靈－不過唔係呢個世界，可唔可以叫齊你嘅朋友嚟？」

我叫咗傑洛特同羅拔圖過嚟(佢兩個好似一齊住)





「人齊啦」
骷髏骨：「我叫傑克，另一個世界嘅骨精靈。係咁嘅，我嗰個世界係暗黑世界， 你哋可以理解為萬聖節村。平民都係一啲鬼怪。

但係亦都存在邪靈等等邪惡嘅存在。我嘅職責就係收拾佢哋，但係邪族帝國最近進行緊一個大規模計劃。

我知道只有我一個係好難應付佢哋，所以我嚟咗呢個聚集咗好多能夠同邪靈戰鬥嘅人。」

傑洛特：「我就唔係好有興趣啦，因為我只係想收拾殭屍搵到能夠對付殭屍王嘅方法。」

傑克：「唔...殭屍王？我哋世界最近嚟咗一個來自你哋世界嘅殭屍王，佢叫贏勾」





傑洛特：「咩話！仲講咁多做咩啊，我哋出發啦」 傑克：「哦...哦」

天上出現一團......團水爆開。係雨災！「你嚟呢度做咩！」

雨災：「唔洗咁嘅～我聽落有興趣，想去玩下啫」「離開呀！」雨災：「好啦，我哋出發啦」

「倩瑜同芊雪留喺度」芊雪：「唔濟！我又要去」「好危險㗎...」芊雪：「唔...」芊雪又扭計。

傑克：「嗰個世界同呢度一樣，只係建築同人個樣唔同啲啫，只要我哋去戰鬥嘅時候佢哋留返係安全嘅地方就可以」

「唔...」芊雪：「好啦，去啦」「好啦」芊雪：「yeas！」傑克：「咁我哋出發啦」傑克做出手印然後口噏噏咁。

一道紫光出現，然後我哋出現喺一個超真實萬聖節佈置嘅我屋企。





雨災唔見咗。傑克：「我哋到咗啦」［打開窗］外面個天係天黑，下面街道嘅地下有啲紫色嘅霧同光。

除咗石敢當丶羅拔圖，我哋全部都變咗怪物樣。

傑克：「如果你哋人樣咁樣走出去，咁就會好似係你哋嘅世界有隻妖怪大搖大擺咁走」

待續