故事一：殭屍之城: 二十二：能力提升－厲鬼村篇

石敢當：「自然系殭屍，即係由有怨氣嘅人死去，遇着陰時陰地所化死，同被咬而變成嘅殭屍都被分類為自然系；而被人煉出嚟嘅殭屍，被分為「人煉殭」係違反天地自然。」

傑洛特：「睇嚟喺打敗嗰三隻殭屍王之前，仲有其他麻煩」

石敢當：「人煉殭絕對有機會比自然殭強，甚至不輸於殭屍王」
.
.
.
［屋企］
倩瑜按我嘅膊頭：「你放鬆下啦」「唔...」倩瑜：「係啦，我爸爸知道你係殭屍獵人，佢話有啲嘢想俾你喎～」





「唔...嚇！你...你爸爸？佢知你...」倩瑜：「放心啦，佢哋俾我拍拖㗎」倩瑜拎出一個大盒。

［打開］入面係一舊黑色礦石。倩瑜：「爸爸話你會有用喎～」「唔～」舊石都幾大。

石敢當突然出現：「唔...係黑曜石」「哇！做咩你失驚無神咁出現㗎！」佢今次終於有著衫，倩瑜：「你同緊邊個講嘢呀？」「你見唔到佢？」

石敢當：「一般凡人係冇辦法睇見本尊，不過呢舊黑曜石能量強勁剛烈，排除負性能量最強，極度辟邪，你可以加工成你嘅新驅魔武器嘅。」

倩瑜：「你同緊邊個講嘢啫？」「一個新同伴，但佢唔俾人見到佢㗎」倩瑜：「咁怪嘅...」





芊雪出嚟：「哥哥，我唔識做呢題」倩瑜跟佢入去：「姐姐教你～」

石敢當：「本尊之前經已發現，延亮你戰鬥嘅時候，呼吸節奏混亂，導致體力下降，對敵人造成嘅傷害減低」

「係呀，全部都係我自己自學嘅」 石敢當：「本尊係以靈力戰鬥，冇辦法指導你呼吸之法」

「或者佢可以！」
.
.




.
嚴sir：「唔...反正依家唔使返學，教你都可以」再介紹翻，佢係我地學校嘅訓導，表面上係個着住西裝嘅老師，其實係個運動狂。

［第二日－樹林］
「練氣唔係要跑步嘅咩？」嚴sir遞咗個斧頭俾我：「劈棵樹落嚟」我用力打咗幾下。

手已經開始有啲軟...... 嚴sir：「係咪開始攰呢～」「係」嚴sir：「調整你嘅呼吸，吸氣拉起，呼氣落」

［a few moments later－傍晚］
「呼...」好攰呀！嚴sir：「慢慢嚟啦」

連續劈咗一個月樹，終於學識運動呼吸，手臂亦更加大力。「唔該晒你呀」嚴sir：「感謝自己嘅努力啦」

我諗到新武器整咩啦！
.




.
.
［學校嘅設技室］
我偷入去學校嘅設技室製作降魔武器......
打鐵聲：「嘭！啪啪... 嘭！啪啪... 嘭！啪啪...」

傑洛特同石敢當亦嚟咗，分別幫我兩把嘅降魔武器注入少量魔力同靈力、我自己亦加咗我之前把桃木太刀嘅「注血系統」入去

待續