故事一：殭屍之城: 十六：憂傷的母親－平行世界編

係啦...係家姐掛係房間嘅家庭合照......當時我仲係一個手抱BB......

「媽媽？」佢激動到攬住我。睇嚟呢個世界佢哋仲存在。
.
.
.
媽媽：「雖然係平行世界，但你都係我個仔」「喺平行世界，我仲係好細嗰嘅時候，你同爸爸就已經唔喺度啦，所以我都第一次見媽媽你」

媽媽：「辛苦你啦...」「還可以啦，有家姐照顧，但幾年前佢都走埋，我係靠你同爸爸仲有家姐留低嘅錢生活」





媽媽：「估唔到喺平行世界，延善(我家姐個名)都係咁......親仔女同收養嘅細女都......」

媽媽講講下流露出憂傷嘅神情：「芊雪死前仲拎住呢個公仔......」係Elsa嘅公仔。

「芊雪......係呢，咁呢個世界嘅爸爸呢？」媽媽：「你爸爸係傑洛德嘅師父，喺一次嘅戰鬥中死咗，呢個世界嘅你為咗同爸爸仲有家姐報仇，所以先自學再周圍同人學捉殭屍、戰鬥。」

我企起身「媽媽，我想去打敗佢」媽媽：「唔得！」「媽媽呀...」媽媽：「我唔可以再失去你多一次...我個心已經冇辦法再承受到」

「但唔收拾佢哋，大家都冇好日子過㗎，況且已經再冇人可以同佢哋戰鬥，依家得我可以喳」





媽媽：「唔得！」「對唔住呀...媽媽」一個姨姨拍一拍佢膊頭：「就算係另一個世界，延亮始終係延亮，我哋就算阻止佢，佢都會偷偷地去㗎啦」

媽媽：「...」「媽媽，我真係好想打敗佢哋...」媽媽：「過嚟吖」我跟住媽媽去到一個存放物資嘅地方、搵出一本好多塵嘅薄仔。

媽媽：「係呢個世界嘅你所留低嘅筆記，但大家都唔敢同殭屍戰鬥，所以都冇人睇過」

係支硬鞭嘅介紹同用法：鞭身共十二節，尖端可作刺擊用，以母指落血印，鞭身十二節可伸出成軟長鞭用，手印位置於底部......

我用咗一日時間練用呢把嘢，當識用嘅時候，原來威力都唔弱、仲學識埋異空間收納魔法同爆破魔法。





［第二日－新娘潭］
一個叔叔開車送我到入口：「我送你到呢度，我就...」「得啦，我可以」

［走入去山入面］
依家係中午，佢可能匿埋咗，或者行入去會有發現。

但愈行入去，黑色嘅霧開始愈嚟愈濃、天嘅顏色逐漸變成紫色、仲有紅色嘅月亮、周圍嘅植物亦開始枯乾。

地上有好多動物嘅乾屍，睇嚟應該好近。好似牛咁嘅咆哮聲：「吼！！！」好震撼！！！［捂實雙耳］

［左上方嘅幾棵枯樹爆開］一個身穿古裝丶眼球微凸、瞳孔收縮到剩返一點，其餘都係眼白丶嘴邊仲有啲血流住，仲有黑色嘅氣釋放出嘅怪物跳落嚟。

「係你啦」［伸出右手(手臂出現白色圓形魔法陣) 魔法陣穿過手掌，桃木打屍鞭出現喺我手上］

「為咗大家，麻煩你死一死」［跑上前打落去］佢用手擋住。





待續