故事一：殭屍之城: 二：救殭清道夫－獵殭編

中六學生放學總會有好多補課，放學嘅時候已經黃昏。

又係殭屍開始出沒嘅時候...

呢～前面後巷嗰邊嗰隻咪係囉～係隻「綠殭」青苔色嘅皮膚，面孔已經凹哂，睇嚟死咗有一段時間。

同當年殺我家姐嗰個同一種......

［拎出木筆－變成桃木太刀］由行變為跑過去，利用後巷嘅牆二段跳上去之後一嘢劈落嚟。





佢及時跳向後，只係斷咗一隻手。 「你唔好彩啦，我決定玩下先」

佢跳過嚟、我劈埋佢另一隻手之後把刀係頭上轉一個圈，再斬埋佢雙腳。

佢個身體跌咗落地，好痛苦咁樣啊，叫聲就好似一隻豬俾人劏緊嗰陣發出嘅慘叫嘅聲。

一刀插落佢個口：「啊！」

呢個時候我俾人推開，隻殭屍俾人用桃木劍穿過，化成灰。





一個着住清道夫衫嘅all back頭哥哥：「點解你要咁做？直接了結佢哋咪得囉，點解要折磨佢哋」

「因為我好憎殭屍，係佢哋殺咗我家姐......」一個同樣着住清道夫反光背心嘅大叔行過嚟：「你係邊個？」

佢哋係一班狩獵殭屍，然後用清道夫掩飾身份嘅人。

「你唔洗埋」我將把太刀變返做支筆，放入褲袋。

個大叔捉住我：「你到底係邊個，你喺邊度學識捉殭屍，阿天，有必要查下佢」





阿天：「師父，係咪要帶佢返去？」一個老伯行過嚟：「帶佢返去先囉」

我俾佢哋帶到去一個垃圾房，行入一個櫃嘅入口落到去一間房。

老伯：「世姪～你可以叫我聰叔，我哋係政府嘅特別部門，職責係專捉殭屍嘅Vampire Cleanup Department」

聰叔：「呢位叫阿天、另一位你可以叫秋叔」一位短髮幾靚嘅姐姐行過去天哥度：「阿天，你返嚟啦～」天哥：「冬冬～」

秋叔：「我問你，嗰啲嘢你喺係邊度學，而且嗰把刀係邊個俾你」

「自學、自制」 聰叔：「有冇興趣加入我哋個部門啊？」「冇」聰叔：「學生兼職都可以㗎喎」

「唔洗」聰叔：「你返去考慮下先啦」
.
.




.
［家中］
我唯一考慮嘅嘢－幾時放暑假。
我真係好憎夏天，依家先十月，仲有一段時間先到冬季...

喺冬天你如果覺得凍可以着多兩件衫，但係夏天覺得熱，就真係冇辦法，而且冷氣費又貴......

夜晚喺屋企一個人冇咩做嘅話會開個PS3玩魔物獵人，用嘅當然都係太刀～

待續