[甜]人妻食用手冊 II: 第六十二回 終結

第六十二回 終結

我望住佢依舊有D半信半疑,
無奶油同佢講唔記得可唔可以再呢多次架.

忽然陳太講:[你朋友叫亞Cat?]

我好震驚咁問:[妳點知架?]

[你同我做嘅期間係我耳邊叫咗幾次佢個名.]



[吓....]
咁唔怪得之會同佢做啦,
九成貓咗當咗佢係亞Cat.

[唔好意思呀....其實我.]

[明嘅,酒後亂性,你掛住佢所以先同我做.]

[唔係呀,我對妳其實一早...]



當我繼續想解釋嘅時侯陳太講:[我下星期就會走.]

[吓?走去邊?]

[澳洲.]

[點解咁突然?]

[其實一早有咁打算,我想將我嘅事業再推向另一個階段.]


對比起佢忽然覺得自己好無用.
我個腦永遠都係得女人,
人地將目光放到好遠.

[你作為一個情人真係100份,但係作為一個老公真係零份.]

[又鐘意偷食又無責任心,亞安,做男人唔可以咁架.]
我無出聲因為佢講嘅都係事實.

[係時候要諗下自己條路要點行啦.]

我點一點頭:[嗯.]

呢一刻心情好複雜,
上咗床好似無上過一樣,


陳太又話要走啦,
咁我地個關係啫係點?

[又唔洗咁愁嘅,與其擔心將來倒不如諗下點同老婆交代重好啦,你成晚無返屋企.]

係喎,完全無諗過呢個問題,
無理由又話搵貨架.
唉...仆街啦呢鑊點算,
唔理得咁多到時隋機應變啦.

食完早餐我要返過去屋企,
臨走前企係門前,
有D依依不捨咁望住陳太,
睇怕應該係最後一次見面.



佢當然明白我想做乜.
[唔好再諗啦,就當發咗場夢,
返去啦,嗰邊先係你屋企.]

無錯,我地係兩個世界嘅人.
我地永遠唔會有機會係埋一齊,
就連做秘密情人嘅資格都無.

打開門行出去,
走到自己房企門前,
我唔夠膽回頭望,
只聽到背後關門聲音,
就好似話比我知,
我同陳太個關係正式完結.