[甜]人妻食用手冊 II: 第六十回 斷片

第六十回 斷片

係床上面等咗一陣,
好努力咁去回憶下尋晚發生乜野事,
可惜真係乜都唔記得.

隔咗一陣,
陳太攞咗一杯熱茶比我.
飲咗幾淡好似好D.
[你再休息一陣,我去整早餐.]


之後陳太又出返去.

唉...應該想起嘅就唔記得,
現在點算?

唔理咁多既來之則安之.
開始聞到好香嘅煙肉味同咖啡味.
個人精神返少少就著返件衫行出去.

見到陳太啱啱好整完早餐係廚房出呢.


佢見到我就講:[坐底食野先啦.]

望住一個好豐富嘅西式早餐有D感慨,
係我記憶中老婆整過一次餐蛋麵早餐比我食,
好深印象,除咗係第一次亦係唯一一次,
因為佢用咗半個鐘整.
之後都係我煮算吧啦.

陳太見我係到發呆:[食咗野先啦,凍咗唔好食.]



[哦.....]
一路食我都唔夠膽出聲,
因為唔知講乜好,
唔通問佢尋晚過唔過癮咩.

陳太見我一路都唔出聲就講:[大家成年人唔洗轉彎沒角,放心,唔洗你付責任,就當係打咗場友誼波.]

[尋晚....到底發生乜事?]

陳太望住我:[自己做過D乜野衰野你唔知咩?]

[我....只係知好似斷片又好似發夢.]

[你知唔知若果尋晚係第二個男人我會同佢死過.]



[咁點解....]

[亞安,我原本對你真係零好感架?]

[知....]

[不過慢慢了解多咗,
覺得你對我好真乜都夠膽講,
而且你好細心好體貼,
喺我唔開心嘅時間會關心我開解我.]

[所以就....]

[嗯.]



我依舊一臉茫然,

[你真係乜都唔記得?]

我搖一搖頭.
[咁....想唔想聽故仔?]

[妳講呀?好呀加D甜丫唔該.]

陳太尷尷尬尬咁講:[話說尋晚呢......]

認識了亞安那麼久深知他的個性,
平日都是裝出一個硬朗的大男人形象,
實則骨子裡只是一個怕老婆的小男人.



[有無攪錯?我怕老婆?]

[係唔係唔聽呀?係我唔講啦.]

[唔係.....咁繼續啦.]
從來沒看過他會這樣,
一個大男人哭得像一個小孩,
看來這事對他打擊很大.

以往也是他開解我的,
一時間我也不知道可以怎麼做,
只好拍住他的肩膀安慰他.

過了不久,
他的情緒開始平靜下來,


還以為他已經沒事.