[甜]人妻食用手冊 II: 第五十六回 孤單

第五十六回 孤單

一個人坐係公園飲悶酒,
周圍好多人行呢行去,
做乜事會咁多人?

係喎今日係中秋,
唔怪得之咁多細路攞住燈籠跑呢跑去.

費時阻住人一家團聚,


搵個地方靜靜地繼續飲酒,
可惜行均成個公園都無地方比我坐底,
唔係一家大細開餐就係賓賓印印跳舞.

唔通真係要去天橋底飲酒?
正當我煩緊嘅時候電話響起.
係陳太.
[喂.]

[亞安,你係邊呀?]



[係邊?我都唔知喎....]

[咁你又話叫我陪你?]

[因為......我攞起個電話想搵人陪下,但係我發覺原來我一個真心朋友都無,所以只好搵妳.]

[痴線,我唔係你朋友咩,你做乜呀?飲咗好多酒呀?]

[少少啦....都未夠半打,重有一半係手未飲.]



[我係平日坐嗰位,你過呢搵我.]

[哦....好呀.]

迷迷糊糊咁行到去成日坐個位,
見到靚靚嘅陳太企係到.
[你又話有事搵我嘅?做乜事呀飲成咁.]

[其實無乜野,只係想搵人陪飲酒.]

[做乜呀,又同老婆嘈交呀?]

[算啦,無野啦,都係唔阻妳啦,我自己一個人飲.]



[咁你去邊?]
我指一指天橋底.

[你想飲酒不如上我到.]

[方便?]

[嗯.]
都好丫,去佢到飲,佢老公好多figure模型同game.

一入到屋唔見陳生.
[妳老公呢?]

[去咗日本.]



[咁開心,獨自去偷歡.]

陳太無應我:[你坐陣先我去換件衫.]

[哦....]

上一次入呢係陳太猫咗,
只係望過間屋兩眼,
今次可以好好參觀.

嘩,佢老公D收藏唔講得笑,
單係D遊戲機已經好似小形博物館咁,
由紅白機去到最新嘅都有齊.
重有D漫畫同模型figure,
真係男人的浪漫.



佢真幸福有個又靚又本事嘅老婆,
重比佢放到成屋都係自己鍾意嘅野.

[你唔係第一個見到呢到D收藏咁反應嘅人,
佢D同事朋友個個見到都嘩一聲.]

另轉頭見到陳太換咗一件有隻好Q嘅狗仔樣嘅米色一件頭T恤.
見到隻白裡透紅嘅雪白長腿.

[你老公真幸福.]

陳太笑一笑走去攞咗罐啤酒講:[個個都係咁講.]

佢開咗罐啤酒飲咗淡:[唔~~~~唔凍嘅.]



[係咩?無乜留意喎.]