[甜]人妻食用手冊 II: 第五十回 情人

第五十回 情人

邊個呢個時間搵我,
攞起部手機睇一睇.
亞Cat?
平日有乜野都係短訊傾
做乜會無啦啦打電話比我?

[喂.]



電話傳呢係一把哭泣聲.

[....亞安.]

[亞Cat!?做乜事呀?]

[我好驚呀....]

[妳唔好喊住,乜事先.]



[我現在係酒店呀.]

[吓?]

[老公佢....佢要我同其他男人上床呀....]
我聽到呢句成個人彈起身.

陳太見我咁問我:[乜野事呀?]

[我唔同妳傾住啦,我朋友出咗事,我要去睇下.]



之後我問亞Cat係邊間酒店然後飛的過去.
我叫佢係大堂等我.

當我到咗之後,見到佢一個人坐係到.
[亞Cat.]

佢抬高頭望我,
見到佢隻眼喊到紅晒,

我坐低係佢身邊,
佢無再喊,
我捉住佢隻手,
雖然個人平靜番落呢,但係手依然係到震緊.



[妳老公係邊?]

[唔知....]

[吓?佢叫妳自己一個人呢?]

亞Cat搖搖頭:[佢話佢會遲少少到,叫我上去....玩住先喎.]

[乜人呢架,要自己老婆去同人上床?]

[佢話想玩3P.]

[吓....]
呢樣野,我都唔知點講,
好多男人都有呢種慾望,


睇住自己老婆同另一個男人上床.
個心好矛盾但係又好刺激.
係慾望將我地蠶食成咁,
定係男人天性就係咁變態.

亞Cat跟住講:[我唔係介意呢樣野,我係介意…]
其實諗落又係,
佢可以同我去玩4P,
無理由接受唔到同老公玩3P,
咁究竟佢做乜事咁返應.

[個男人妳未見過嘅?]

亞Cat點點頭,
咁明啦,睇呢係因為無選擇所以驚.



我咪安慰佢:[可能佢搵個城城咁靚仔呢.]

[唔係呢樣野呀..]

[又唔係?咁係因乜事?]

[我老公話....佢收咗人錢呀.]

[吓!!咁啫係佢當妳係雞?]
亞Cat聽到呢句之後又再喊過.