[甜]人妻食用手冊 II: 第四十六回 真相

第四十六回 真相

食食下飯我問陳太.
[女人係唔係個個都希望身邊個男人有錢?]

[唔係錢,係上進心.]

[有乜分別?結果咪又係用錢去衡量一個人嘅成就.]

[有上進心代表呢個人有責任感,對個人對家庭對係.]



[我已經係屋企唯一個有做野嗰個啦,咁重唔叫有責任心?]

[係唔係真係盡咗力?定係放棄咗自己?]
聽到呢一句真係啞口無言,
你問我有無盡過力,
無.....我只係一心打算搵份工做,
有糧出有工返唔洗坐係屋企就算.
係.....我係放款咗自己,
唔夠膽想將來,亦唔想去想,


每日只希望過得一日得一日,
乜都唔洗諗就最好.

或者陳太講得啱,
今日屋企嘅問題我一樣有份做成.
呢餐飯我無乜再出聲,
唔係唔開心而係反醒緊.
食完飯陳太話:[去公園行陣囉.]

[嗯.]



[唔洗咁愁喎.]

[無...妳講得啱,或者係時候諗一諗.]
呢個時間夜間公園都重係好多人,
個個食飽飯落呢行下散步或者做運動.

我地去咗比較靜嗰邊坐底,
又係到煲煙.

大家都無乜出聲,
直至陳太講咗一句.
[早兩日我同Joseph去咗酒店.....]

一直唔想去猜測,


但現在聽到由佢親口講出呢,
個心即刻那住那住,
唔知可以點回應.

陳太繼續講:[我嗰日見到你都係酒店.]
更加無諗過原來佢見到我.

[我都見到妳同早洩夫.]

[你嗰日約咗女開房?]
我望住陳太,
好想講大話同佢講我係去借廁所或者係食飯,
可惜講唔出口.

[係....]



兩個人同一時間去酒店,同樣係偷食,
但係結果好唔一樣.

[又係你D SL?]

[唔係...]

[新女?識咗幾耐?]

[識咗無耐,講野唔多過十句,第二次見面.]

[你都幾利害,咁都可以食都女,如果你用溝女嘅時間放係事業上可以好出色.]

我苦笑一下:[妳係串我定讚我?]



[路自己選擇,無人可以幫你決定.]

[係,師太.]
陳太見我咁回應佢笑咗一笑.

[早洩夫咪好開心?終於等到呢一日.]

陳太有D尷尬咁笑住講:[你嗰日唔開心咩?]

我搖搖頭:[唔開心.]

[點解?有女食都唔開心.]
我攞部手機出呢,
開咗個我同Ada嘅對話記錄比佢睇.



陳太一望:[嘩....乜你咁重口味架.]

[重口味?]

我即刻攞返部電話睇,
oh shit,原來唔少心開咗個TG谷,
咁啱入面影住幾條仔係到屌緊個肥婆.

[唔好意思,呢樣先真.]
今次真係開個對話記錄,
再攞返部電話比陳太睇.

陳太睇咗一陣,
[你做咗D乜事對方係咁爆粗鬧你?]

[妳想唔想聽咸故?]

[唔係太咸OK嘅.]

話說當日呢....