[甜]人妻食用手冊 II: 第三十九回 迷失

第三十九回 迷失

今日放工返到屋企一入房.
見到老婆啱啱係到換衫,
成身紅色喱士內衣,
印象中呢套戰衣係新年先會著話好意頭喎.
今日唔單止內衣,連衫裙都係一身紅.
嘩...如果係農曆七月見到都咪話唔驚.

見老婆著到咁樣,


忍唔住問:[又去上堂呀?]

[係呀.]

[做乜著到.....新年咁.]
其實我好想講女鬼咁不過費事比人鬧啦.

[大師話要幫我做法事轉開運,要著紅色衫呀.]
有時真係懷疑佢個腦係唔係同正常人唔同構造.



[妳呢排好開心咁喎,贏好多咩?]

[少少咁啦,個大師好勁架,多得佢指點迷津,現在我轉運中,遲D重勁呀.]

[呢排咁升市,買乜都升啦.]

[股票嘅野你識條春咩.]

[哦.....]
同一個迷信嘅人講道理真係嘥氣,


之後佢就走咗人.

其實呢排佢都係咁,
成日都話要去上堂.

不過.....有D怪,
我開始見佢成日鬼鬼祟祟咁玩電話,
有時重會對住部電話偷笑,
佢重要mute咗好似驚比人知咁,
十足十我初初玩app時咁.

佢會唔會玩app偷食?
咪玩啦,
120%玄門正宗港女呀邊個頂得佢順呀,
有人送死我唔介意架.



我諗都係D WeWonWon班識到D同聲同氣嘅人啫,
帽事嘅.....哈哈.

呢排又無新Game打,
無野做又落公園食煙飲啤酒.

我無坐係平日坐嘅地方,
去咗公園嘅另一邊,
呢邊好靜無乜人,
但係就好靚,
可以望到好遠嘅街景.
點點昏黃街燈,清幽茉莉花香,
一陣陣涼風吹過.
令人好放鬆好舒服.



坐呢邊另一個原因可能係唔想撞到陳太,
雖然平日都有wechat傾下計,
同佢多咗溝通.

話題乜都有,有時我講下玩app食女,
有時講下性,當然係點到即止啦,
佢就講下佢老公同早洩夫D野.

係我人生入面好少可以對一個女人咁無保留乜都講得.
但係我地係兩個唔同世界嘅人,
我知道唔會有可能,
所以不存有任何幻想,
現在平常心反而好似朋友咁幾舒服.



其實有時覺得自己係寂寞所以搵女人?
定係只係想要一個理解自己嘅人?
就算亞Cat,佢都係只知道我預先編排好嘅故事,
實際佢對我一無所知.

每次都係戴住個假面具對人,
所有女人都係呃呃騙騙返呢,
好似越食女個人越空虛.
呢個問題唔知幾時先有解決方法.

當一個男人空虛嘅時候最好做乜?
最怏方法都係睇四仔.
我鍾意上網睇下twitter,
乜都有又夠真實,
有時有D群交大亂鬥都幾好睇.


究竟D老公乜野心態肯攞個老婆出呢,
比成班男人屌.
記得網上有條仔約人玩3P,
結果自己條女跟咗另一條仔走佬.
都咪話唔捉蟲.

睇睇下人地大亂鬥,個腦諗起一個人
就係Ada.