[甜]人妻食用手冊 II: 第二十一回 大獎

第二十一回 大獎

飯就差唔多食完,
睇怕Leon哥都開始入正題.
我諗緊好唔好借尿遁.

[多謝你地揀中我地,我地都好開心有咁嘅機會.]
你就梗係開心啦,嗱...我乜春都唔會買架.

呢個時候侍應攞咗張單過呢.


Leon哥好快手咁一手搶咗張單,重攞埋卡出呢話
[呢餐等我嘅.]

成晚最啱聽就係呢句.
點知亞Cat又一手拉住Leon哥隻手話:[唔得,點可以你地請架.]

亞Cat將Leon哥連手帶單一齊推向我面前.
[老公,重唔攞銀包出呢?]

我望住亞Cat,心諗妳玩野呀?


咁做樣都要係銀包攞張卡出呢啦.

當將卡放近張單時,
個侍應居然伸手想攞我張卡.

即刻怒啤住佢,你夠膽就攞我將卡,
保證手指都扭斷你.

可能我個眼神實在太兇狠.
個侍應隻手即刻縮一縮.



睇準呢個機會扮跌卡將Leon哥連手帶卡一野推向侍應嗰邊.
侍應呢次醒目啦,
即刻攞起卡轉身走人.

呼...鬆一口氣,終於攪掂張單.
Leon哥即刻講:[咁我地走囉,去下一場.]

吓,重有下一場唔好嗱呱.
亞Cat二話不說:[好呀.]

之後佢地兩個行前面,
我同亞Cat就跟係後面,
我拉一拉亞Cat細細聲係佢耳邊問:[究竟攪乜呀?]



佢只係同我講:[跟住呢啦,又排玩呀...]

[玩乜呀?]

[4P呀.]
WHAT!!!!!我無聽錯呀.

呢一句說話好似開箱一抽入魂,
抽中期間限定最強SSS神級六星角色一樣咁L興奮.

等一等,冷靜D先,
根據以往經驗,
亞Cat會唔會又玩鳩我架.
以佢性格似玩我多D囉.



亞Leon哥佢去咗攞車,
得返佢老婆同我地企係街到.

企係Ada身後望住佢,
呢條女似會玩4P咩?

咪玩啦,怕丑成咁,
成身黑色套裝衫包到實一實,
唔知重以為佢去完殯儀館呀,
睇怕佢連屌西都要熄燈呀.

行過去企身邊,
慢慢伸手向佢後面,試下攬下佢條腰睇下乜野反應.

當我隻手差唔多掂到佢條腰時,


望咗亞Cat一眼,
頂佢丫,又陰陰嘴偷笑,
仆街又玩鳩我,
好彩無手多多啫.

等我套下佢先.
[係呢,Ada,平時妳係唔係熄燈....]

[吓乜野話??]
Shit,幾乎衝口而出.

[哦無...我係話一陣我地去邊呀?]

[吓....我...我都唔知喎...你一陣問下Leon.]
屌,連答句野都口疾疾,重話玩4P?


遲早有日我會比亞Cat玩死.