[甜]人妻食用手冊 II: 第十六回 兄弟

第十六回 兄弟

見到陳太比人咁抽水喎,
內心嘅正義能力植即刻提升,
成個彈起身九秒九沖過去.

可能我個氣場太勁.
人未到殺氣已經湧至.

四眼仔即刻縮開抽緊水嘅手好驚咁望住我.


佢一縮手陳太又企唔穩,
又再烏低身嘔過,
我立即飛過去扶住佢,
陳太迷迷糊糊咁叫咗句:[老公.]

四眼仔聽到呢兩個字重驚,
即刻口疾疾咁講:[我....我....我乜...都...無....]

我無理佢講乜:[得啦得啦,無你嘅事啦,你走得架啦.]



四眼仔即刻沖返入車箱開車走人.
我等陳太嘔完先扶住佢上樓.

按咗幾下門鐘都無反應,
但係聽到屋入面有聲架喎.
等咗好耐陳生先開門.

[陳生,我啱啱係樓下撞到你老婆.]

陳生神色慌張咁講:[老婆,做乜又飲都咁醉呀?]


又???
睇呢陳太咁猫法已經唔係第一次.

我即刻話:[扶咗佢入去先講啦.]
一入都屋.

嘩.....唔係講笑,
簡直係男人嘅dreamhouse.

一大個玩具櫃放滿figure同模型,
單係個櫃入面幾皮野都落唔到樓.
重有好多Game,漫畫呀.
絕對令所有男人羨慕.

聽到電視傳呢好熟識嘅音樂,


原來陳生係到打緊芒享,
唔怪得之按門鐘無反應啦,
我無怪佢,
比著我打緊機都係咁....

見到成個畫面紅晒,
一睇就知係煌黑龍放大技審判.
側邊D爛隊友又唔知去咗邊.

估唔到兩條麻甩佬望住呢個畫面異口同聲講咗句:[無啦....猫車到.]
大家對望咗一眼笑咗一笑,
果然打芒享先係男人的浪漫.

陳生即刻話:[好彩有貓的生命保險,仲可以打多一次.]



忽然間聽到又有作嘔聲,
差D唔記得咗重扶住陳太.

我嗱嗱聲扶佢入廁所.
陳太一野就趴咗係個坐廁到嘔.

陳生原本打算囉毛巾過呢比佢老婆,
但係對眼好似無離開過部PS4.

係呢個時候每一個熱血嘅男人都會伸出友誼之手,
[陳生!!你去啦,隻畜生已經殘血唔挨得幾耐,呢到就交比我啦.]
陳生無回應佢只係點一點頭.

男人之間嘅友情有時係唔需要說話,
一個眼神,一個動作已經深深咁感受得到.


一切在心中,
呢D先係好兄弟.