[甜]人妻食用手冊 II: 第九回 壓力

第九回 壓力

好彩佢今次無黑口黑面.
只係講笑.
我坐底係側邊,幫佢點咗支煙.
佢講咗句:[唔該.]

大家都無再出聲,
睇住人地放狗,跑步,
靜靜咁享受片刻嘅聆靜.


當我食完第一支煙後就問.
[睇唔出妳詩詩文文咁粗口喎.]

陳太深深吸一口煙又再笑笑口講:[關你L事呀.]
之後大家都忍唔住笑咗出呢.

[現代女人再唔係以前咁只係喺屋企洗衫煮飯,
當你要係商業社會生存,唔多唔少都要表現出硬朗一面.]

[妳做邊一行?]



[Sales.]

[管理層?]

[嗯.]

[咁可以想像到有幾大壓力.]

[嗯.]



見佢愁雲深鎖個樣睇呢好煩.
[放咗工就唔好將工作壓力帶返屋企啦.]

[講就易,又要跑數又要應酬客.]

[係香港行行都有壓力架啦.]

陳太耷低頭深深咗一啖煙,
然後將支差唔多食完嘅煙掉咗落地下,
用高踭鞋踩熄支煙.
[你呢?做乜係到唔返屋企?]

[我嘅壓力咪係屋企囉.]



陳太笑一笑,
[就下老婆囉.]
我真係只可以苦笑回應.

[咁你做邊行?]

[苦力.]
無諗過自己會咁誠實,可能唔係玩app呃女呱.
如果係app講自己做苦力,都唔洗指意有人應.

[睇你唔似喎.]

[以前做製衣,之後成個行業無咗,學歷又唔高咪只好馬死落地行囉.]

[咁你都幾埃得.]



[生活係咁架啦,係呢,妳點知我wechat架?]

[你個頭像係你嗰樣呢架喎.]

[係喎....哈哈.]
見佢都依然無乜心機.

[妳知唔知我點應付呢D壓力?]

[唔知.]

我攞起手上嘅空啤酒樽比佢,
示意佢掟向垃圾桶,
佢望咗兩眼真係一野掟過去,


酒樽啱啱好掟咗入去重要爆埋.
陳太好開心咁叫咗出呢.
[Yeah~~~~]
終於見佢開心有返D笑容.