[穿越][愛情][校園]重回青春時尋找當年失去的愛情: 阿晴病了？

在這次露營之旅後，我和小彤終於成為了男女朋友的關係，也算是達成了我穿越到這個時空的目標。

「咁多位同學，九月你哋就升中六㗎啦，希望你哋可以好好把握呢個暑假好好哋去溫書，唔好掛住玩啦。」我們班主任在中五的最後一天跟我們說。

「小宇呀，你呢個暑假唔好掛住打機，記住溫書呀。」在放學的時候，小彤走過來跟我說。

「吓，哦⋯⋯」我腦海中正在想著這是DSE前的最後一個暑假，這樣亦是意味著距離我離開這個時空只剩下一年。

「哈你⋯⋯乜你咁嘅態度㗎？」小彤漲紅了臉指著我說，彷彿是不滿意我的態度。



「唔係呀，彤彤我係諗緊其他嘢姐。」我急忙安慰著小彤。

「哼，我決定呢個暑假要睇住你溫書唔俾你偷懶。」小彤撓著手說。

「唔係掛。」我心裡還想着可以藉著這個暑假和小彤出外一起逛街。

「一於咁話啦。」

如是者，在接下來的幾個星期裡我都和小彤一起到圖書館溫習。



「唉，我唔想溫啦。」今天我終於按捺不住，可是我也不知道如何向小彤開口約她逛街。

「咁我哋⋯⋯」此時我的電話卻突然響起，圖書館的人均鄙視著我。

「我出去聽個電話先。」我跟小彤說。

我走到圖書館的門口，一拿起電話發現來電顯示的名稱是「阿晴」。

「阿晴你搵我咩事呀？」



「我⋯⋯咳⋯⋯我有啲唔舒服，你可唔可以買碗粥上嚟我屋企？」

「Er⋯⋯但係我同緊小彤一齊。」我正在猶豫要不要答應阿晴，因為也不能讓小彤自己一個人在圖書館。

「我發緊燒呀，屋企人又去咗返工，冇辦法先要搵你咋。」阿晴的語氣十分虛弱。

「咁樣呀，好啦，我半個鐘後上嚟搵你。」阿晴好像病得很嚴重，我也放心不下，畢竟她也是我其中一個最好的朋友。

「嗯，唔該晒你⋯⋯」

我掛斷了電話後，回到了圖書館的自修室，坐在小彤旁邊。

「啱啱邊個搵你呀？」小彤一邊看著書本上的題目，一邊跟我說。

「阿晴搵我，佢話佢病咗，我諗住去睇下佢⋯⋯」我話還未說完，小彤卻收拾好書本準備離開。



「彤彤！」我急忙捉住她的手，但是她卻用力甩開了我就走了。

「彤彤，你聽我講啦，我唔係真係想去探阿晴㗎。」我追到圖書館門口，並截停了小彤的腳步。

小彤沒有說話，但是也沒有繼續離開，只是默默地看著我，彷彿在等待我的解釋。

「我係驚阿晴真係有咩事，你知㗎啦，阿晴同我屋企人都算熟，我同佢屋企人關係又唔差，冇理由唔理佢㗎係咪先？」我試圖向阿晴訴說我的苦衷。

「咁你就可以唔理我㗎啦？」小彤的語氣還帶著一絲憤怒。

「我唔係咁嘅意思呀，彤彤，我只係唔想阿晴萬一真係有咩事會冇人睇住佢。」我情急之下牽起小彤的雙手解釋。

「你嗰蠢材，咁你可以搵其他你信得過嘅人睇住佢呀嘛。」小彤好像被我的這個舉動嚇了一跳，紅著臉地從我手中抽出她的雙手，並背對著我。



「係喎，彤彤你提醒左我，我都唔記得咗可以搵人幫手添，咁你等我一陣，我睇下有冇其他人得閒先。」我隨即拿起電話打給阿明。

「喂，阿明你今日得唔得閒呀？」

「咩話？阿俊你大聲啲我聽唔到？」我聽到阿明那一邊好像十分嘈吵。

「阿晴病咗，我諗住搵你幫手睇住阿晴⋯⋯」

「喂，sorry呀，我同阿欣去左迪士尼玩呀，兄弟一場都幫你唔到，你搵個第二個啦。」

「『喂阿明你過嚟睇下呢個公仔，好得意呀！』好啦，阿欣叫我呀，我唔同你講住啦，拜拜。」

「喂⋯⋯嗶⋯⋯嗶⋯⋯」正當我還想再說，電話卻已經掛斷。

「屌，重色輕友。」我接下來在聯絡人資料中找呀找，終於讓我找到了一個合適的人。



———

「阿俊細個嗰陣一見我病就會係我身邊㗎啦，佢今次仲唔係我手上！哼！楊小彤你都係唔夠我鬥㗎啦！」我把電話掛斷後感到心滿意足。

其實我根本沒有生病，純粹只是想阿俊陪在我身邊，好讓他和那個賤人不用走得太近，那樣我才有機會把阿俊從楊小彤身邊搶回來。

「叮噹！」門鐘響起來，我急不及待地打開門卻發現事實並不如我想像中一樣。

「點解會係你嚟？」