[穿越][愛情][校園]重回青春時尋找當年失去的愛情: 救兵到底是誰？

「小彤，唔好離開我！」我發現小彤正站在我的前面向我揮著手，我不斷地跑卻依然觸不到她。

「小彤！！」一聲大叫，我卻發現原來只是一個惡夢。

我一醒來卻發現我躺在一個似曾相識的房間。

此時突然有人進來了，我向門口一看進來的人竟然是天使彤。

「點解我會嚟左呢度嘅？」我心中猜想著如無意外這裡應該就是天使彤的大屋。





「咦『芒果』都係度呀？」有一隻貓跟著天使彤一起進來，並爬進我的懷裏。

「你仲有冇邊度唔舒服呀？」天使彤關心地問我。

這次我才發現到背部的傷口早已經消失了，而且也沒有任何痛楚，不禁感到奇怪。

「我應該冇事啦⋯⋯係呢我點解會嚟左呢到嘅？」

「你仲好講，你知唔知你差啲死呀，做乜唔通知我嚟救你？」天使彤敲敲我的頭。





「咁得返最後一次搵你嘅機會呀嘛，我唔想咁就用左佢。」

天使彤臉頰露出一絲紅暈卻又很快消失了。

「我收到一個訊息話你出左事，跟住去到嗰陣見到你流左好多血瞓係地下到，好彩你仲有呼吸，我咪嗱嗱聲送你返嚟我間屋到同你療傷。」天使彤接著解釋。

「吓，邊個通知你？」我疑惑著是誰通知天使彤，卻突然想起小彤也是身受重傷。

「我都唔知！」天使彤也一臉茫然。





「咁小彤呢？佢有冇咩事呀？」我急忙問天使彤。

天使彤聽到我關心小彤時臉色卻突然一黯。

「小彤唔係有咩事呀？」我急得捉著天使彤白嫩的手。

「你整痛我啦。」天使彤稍作痛苦的神色，我不好意思地放開她的手，卻期盼著她的回答。

「我去到嗰陣淨係見到你，見唔到小彤喎，所以我都唔知佢去咗邊。」天使彤說完卻站得不穩差點摔倒。

「你有冇事呀？」我扶著她坐在我旁邊。

「我冇事呀，可能頭先幫你療傷嗰陣用得太多能量，我休息一陣就冇事啦。」

聽到這裏我心感歉意剛才只顧著關心小彤，反而忘記了天使彤替我療傷。





「你做咩呀？」我抱著天使彤，她頓時緊張得不知如何是好。

「多謝你救左我。」她聽到後反而任由我抱著她，沒有任何掙扎。

「係喎，唔記得通知阿明添，唔知佢會唔會報咗警。」我匆忙放開天使彤，她頓時顯露出不捨的神色。

我從褲袋中拿山電話打給阿明。

「喂，阿明？」

「阿俊？做咩啊？」

「我冇事呀，已經返左屋企，你唔使報警啦。」





「我知啊。」阿明的回答卻出乎意料。

「吓，你點知㗎？」我沒有通知過阿明，他怎會知道我安然無恙呢？

「咩啊？早一個鐘頭小彤打過俾我話佢同你都冇事，我要打機啦，遲下再講。」阿明迅速地掛掉我的電話。

「喂⋯⋯頂咁快收我線，小彤竟然打咗俾阿明，咁佢都應該冇事啦？」我一看手機上的時間發現原來距離我和小彤離開阿欣生日會的時間已經超過三個小時。

「喂，彤彤？」為了確認小彤是安全的，我再打給小彤，而小彤的電話也順利接通令我放下心頭大石。

「小宇？你冇事呀嘛？」小彤好像期待著我打電話過去。

「我冇事呀，你呢？」

「我都冇事呀。」





「咁就好啦，如果唔係我都唔知點算⋯⋯」小彤聽到我沒有大礙感到放心。

「係呢，你去咗邊？」

「我⋯⋯我咪返咗屋企囉。」小彤的感覺有點欲言又止。

「真係？」我的直覺告訴我小彤應該有事情隱瞞著我。

「真係呀，你暈咗之後我都暈咗，跟住唔知係邊個送我去醫院我一醒返就係醫院，不過醫生話我冇咩事咪返屋企囉。」

「最緊要人冇事就好，咁唔阻你休息啦。」我心裡其實仍然懷疑著小彤說的話，不過眼皮也漸漸垂下，而且最重要的是小彤安全就心滿意足了。

「晚安，拜拜。」小彤掛斷電話後，我就在天使彤的家中留宿一晚，因為她怕我身體上不知道會唔會出現甚麼問題，方便隨時照顧我。





翌日早上，我跟天使彤打聲招呼後就離開了，回家換完校服之後就回到學校。

「小彤！」我看見穿著白白校裙的小彤正準備進入學校。

小彤聽到有人叫她，回頭一看原來是我，頓時笑得十分燦爛。

「小彤，我哋一齊返上課室啦！」

「嗯！」於是我和小彤就並肩回到課室，我趁機會觀察著小彤的身體，發現她的身體真是沒有任何受傷的地方，她走路時候也沒有喘一口氣。

「做咩係咁望住我？」小彤看見我不斷地看著她，有點害羞。

「你靚呀嘛。」我嘻皮笑臉地回答。

「哼又口花花，唔理你啦！」小彤急步向前。

「喂等埋我呀！」