[穿越][愛情][校園]重回青春時尋找當年失去的愛情: 出乎意料的結果

一小時前⋯⋯

「喂你真係唔去睇阿俊踢波呀？人哋都肯認低威同你道歉啦。」此時的我和阿欣原來在放學之後就去了圖書館溫習，而阿欣正在勸我答應阿俊的請求。

「哼，我先唔想理佢，佢話我唔講道理，我都唔想見到佢。」我抱著手臂生氣地說。

「車，你而家咁大口氣，之後你就會後悔。」阿欣不屑地說。

「我⋯⋯我⋯⋯點會後悔？」我不敢面對阿欣的眼神低下頭。



「最好啦，咁我哋繼續溫書。」阿欣從書包拿出書本。

我和阿欣溫了十多分鐘書後，我突然想到了甚麼站起來。

「做咩啊？」阿欣見到我的舉動問我。

「我都係決定去啦。」我開始收拾書本到書包裡。

「車，都估到你㗎啦。」阿欣也開始收拾。



「哎呀，但係阿俊佢冇同我講話係邊個球場練波？我點知係邊。」我收拾東西途中突然記起。

「嘻，我可以解決嘅姐，你汁好嘢跟住我行就得啦。」阿欣胸有成竹地說。

半小時後，我跟著一臉悠然的阿欣走向一個球場。

「點解你會知阿明佢哋係呢個球場練波嘅？」我邊走邊問。

「因為阿明話俾我聽囉。」



「乜原來阿明都係足球隊成員嚟㗎？」難怪阿欣會知道啦。

「係啊，前面就到啦。」阿欣指著前面不遠處。

「咁我哋快啲行啦。」我拉著阿欣的手說。

「喂行慢少少啦，就嚟冇氣啦」阿欣喘著氣說。

———

「喂，阿俊準備好未啊你？神不守舍咁嘅。」我看著球場的門口發呆。

「哦⋯⋯冇嘢⋯⋯準備好啦。」我綁好球鞋上的鞋帶，準備就緒，看來小彤是真的不會來了。

「係喎，唔記得咗同你講，Alan佢多數係打後衛，所以你陣間有機會同佢正面交鋒，你扭唔過佢嘅話，就盡量傳波俾啲隊友。」阿明提醒我。



「好。」

阿明主要在中場的位置，而我當然是擔任前鋒，同時我亦看見Alan的隊伍也準備就緒，球證就由我們教練來擔任，比賽時間約三十分鐘，和局的話就要互射十二碼。

「比賽正式開始，3！2！1！開始！」就在教練倒數時，我終於看到那個熟悉的身影，那個身影看到我對我微笑著，以口型說了句「加油」。

「喂阿俊，開波啦，仲企係度做咩，仲唔走位。」阿明催促我。

「係⋯⋯係⋯⋯唔好意思。」我開始跑動起來，一定不能在小彤面前輸掉這場比賽。

比賽的形勢十分僵持，我們隊和Alan那隊在頭二十分鐘都沒有太多攻勢，而且因為我不懂如何走位和踢足球的技術未完全掌握到，導致控球權一直在Alan隊伍那邊。

直至第二十五分鐘，阿明突然在中場搶到皮球。



「交俾你啦，阿俊。」阿俊傳了球給我，這一下傳球貫穿了Alan那隊的中場線，令我只是一對一面對著Alan。

「哼想過我？冇咁易。」Alan隨即逼上來。

「唔得啦，點都要試下喇。」我踢著球向前推進，腦海突然想到了今天訓練學到了一招扭過防守球員的技巧「推右走左」。

突然間，我的眼中彷彿看到Alan的動作慢慢向我的左邊移動，所以我就將皮球推向右邊，而我就加速從左邊跑過Alan。

「得咗。」我發現我的速度Alan跟不上，而我的假動作亦令Alan忽視了球的位置。

「仆你個街。」Alan發現上當之後已經為時已晚，追不上我，而我就在此時用盡全力射門，Alan那隊的龍門雖然想嘗試撲下，但卻不成功，最終我的球直飛死角而入。

雖然這不是正式比賽，但是我與我的隊友一起慶祝我的入球，我也看見那個我熟悉的女孩和阿欣坐在觀眾席上興奮地鼓掌。

「嗶⋯⋯嗶⋯⋯嗶。」過了五分鐘後，教練吹響了哨子，比賽亦正式完結。在這五分鐘Alan那隊發起了猛烈的攻勢，幸好我的隊伍最終也成功擋下他們一連串的攻勢。



我看見完場後的Alan心有不甘，跪低在地拳頭打在草地上，我心裡莫名感到了一陣快感。

「阿俊，咁就恭喜你真正成為咗足球隊嘅一分子，估唔到你第一日練波都咁大進步，期待你學界嘅表現。」教練鼓勵著我。

「係囉。」「阿俊你真係好勁。」「你過Alan個下真係好型，可唔可以教下我？」足球隊中除了Alan外，其他成員都走過來祝賀我。

「我都係第一日踢姐，之後仲要大家多多指教。」我謙虛地說著。

「小彤，你終於肯嚟啦。」教練宣佈解散之後，我走去觀眾席抱著那個我熟悉的女孩。

「喂⋯⋯喂⋯⋯你件衫整糊糟曬我條校裙啦。」沒錯，那個我熟悉的女孩就是小彤。

「哎呀，唔好意思呀。」我急忙放開她。



「嘩，阿俊！估唔到小彤同你已經去到咁嘅關係啦？」阿欣和阿明在旁邊笑著。

「阿欣，你講咩呀？」小彤跺一跺腳臉紅地說。

「喂你仲企係度做咩？仲唔快啲去更衣室沖涼換衫。」小彤見我看著她的反應急忙推著我離開。

「小彤你唔會走㗎可？」我臨進入更衣室前問小彤。

「唔會啊，你快啲入去啦，我走左邊個幫你睇住啲嘢？」小彤看著我放在旁邊椅子上的書包說。

「咁就好啦。」我拿著要替換的衣服進去更衣室。

可是我在更衣室的淋浴間洗澡期間，卻聽到更衣室的大門被鎖上。