[穿越][愛情][校園]重回青春時尋找當年失去的愛情: 回到過去

「x，點解咁x臭架。」一陣陣臭味突然將我意志喚醒。

「哇x，點解我係廁格入面?」我一睜開眼睛發現我在廁格裡面。

「咦，我著住校服嘅，唔通我真係穿越左?」我發現自己身上穿著的是中學時的校服，廁格門掛著我的書包。

「喂，天使彤，你係邊度呀?天使彤?」

我推開廁格門之後見到廁所空無一人，所以我拿起掛在廁格門的書包離開了廁所。



走出去之後才發現原來這裡是一個公廁。

「天使彤，你係邊呀?天使.....」

「喂，唔洗再嗌啦，我係度。」

突然有人拍我肩膀，「嚇死人咩?」

我一轉頭看到，原來天使彤站在女廁的門口。



「你做乜帶我黎公廁啊?」

「可能海濱公園呢度10幾年前係公廁黎，所以個傳送點就係公廁。」天使彤有點不好意思

「咁我係咪已經穿越左?」

「係呀，你睇下你褲袋入面部電話。」天使彤指著我的校褲褲袋說

我拿出我的電話，發現今年是2008年9月2日，正正是我當年中二開學的第二天。



「Yes，咁我而家係咪真係穿越左可以去搵彤彤再續前緣啦?」我既開心又急不及待地準備回學校。

「喂我仲有嘢未講完，唔洗咁心急住。」天使彤有點生氣

「咩呀?快啲講埋啦，我想快啲去見返彤彤呀。」一想起可以再見中二時候既小彤，我就想快點回到學校。

「你仲記唔記得之前我同你提過嗰條規則?」

「記得，放榜後一日就要走。」我心想即是我還有4年時間去再續前緣。

「除左呢條規則之外，就係你唔可以同人講你係穿越過嚟同埋我既存在。」天使彤娓娓道來

「同埋有一樣野唔記得左講，我會監視住你，如果小彤心情非常差或者你hurt到佢，我就會出現，之後可能帶返你返去現實嘅時空架啦。」天使彤警告我

「好啦，仲有冇其他嘢要講?」我有點不耐煩



「冇啦，你只要記住我講過既野就得。」天使彤說完就突然消失了。

「車，我實記得架啦，咁難得可以見返彤彤......XX，得返10分鐘啦。」我看著手上的電話顯示7點50分，我匆忙向學校的方向跑去。

即使我長大之後，我的中學依然在我出來工作之後的家附近，而我以前的家亦在中學附近，走路15分鐘就能到達。


「叮噹、叮噹、叮噹」

「唉X，最終今年開學第二日就遲到，都係學校門口盞交通燈累事。」我一邊簽遲到紙一邊埋怨著。

「同學仔，下次早啲起身啦，唔好成日較到咁遲先出門口啦。」站著校門前的老師好像已經司空見慣。

「老師，唔係你諗咁架......唉，一言難盡。」我突然記起不可以將穿越的事情說出去，而且亦未必有人相信。



「我見慣見熟架啦，下次唔好遲啦，快啲上班房啦。」老師催促我

「唉，好啦。」我走上樓梯

我依稀記得以前中二的班房在3樓，但是因為我剛才跑到滿身大汗，所以打算先到3樓廁所洗臉。

回到課室之後，我看見坐在我隔離的位置上沒有人，頓時感到一陣失落。

不過我一看見阿明和阿欣，熟悉的感覺就油然而生。

由於他們兩個大學畢業之後就移民到英國生活，所以長大之後的我們也很少聚在一起。

「喂，Hi，好耐冇見，點解彤彤唔係度?」我問他們兩個



「笑死，阿俊，你係咪跑返嚟學校跑到傻左?我哋琴日先見完嚟，同埋你點解叫小彤做彤彤嘅?咁快同人咁熟啦。」阿明偷笑著

「我......」一時之間我不知道怎樣回答

「小彤仲未返到呀。」阿欣替我解圍

我有點奇怪小彤為何還未回到課室，在我的記憶中，小彤是一個品學兼優的學生，每年考試都是全級第一，DSE的成績好像也不錯。

老師之後來到，我準備拿出文具上第一節數學課時，有一把熟悉的聲音在課室門口傳過來。

「對唔住呀，老師，我遅左到。」那把聲音說

我的視線隨即看向門口，一看到那個熟悉的身影，手中的文具突然散落一地。