求神畀我出一次Pool，點知畀埋個偶像男朋友我: 後記

我成日問你哋，呢個故對你哋係一個點樣嘅存在？

FF故？少女漫？其實無正確答案，但對我而言，呢個故嘅存在意義more than that.

「我想搵MLA宣傳我本書。」
「點宣傳？」
「寫首歌？」
「MLA咁紅，會肯咩......」
「都係，發夢就得。」



p.s 故入面隻處女碟《夏娃》就係我同男朋友對話所講嘅書(ig有post書名)。

因為呢段對話，我決定出盡奶力模仿MLA嘅文筆，用佢其中一個故《愚人節》寫成歌詞，然後創作呢個偶像男友故，就算MLA唔會幫佢寫歌，我都可以寫故宣傳佢本書。

縱然以自己嘅功力宣傳成效唔會好大，但假如有一二個人因為呢個故而認識佢、甚至知道佢本書、繼而買佢本書，我已經覺得好成功。

回想返由細到大，我都有著各式各樣嘅偶像，只要喺我眼中，符合耐看、有才華、品格好、獨特嘅四大條件，就稱得上我嘅偶像。

至於搵偶像做男朋友，我就真係發夢都無諗過，因為我從來都覺得男朋友只需要相愛+一致價值觀。



直至我遇到陳浩賢先發現唔係咁，原來有人係可以將偶像同另一半嘅條件集於一身。

或者要我comment佢，我只能夠講：7分啦。(睇故就明)

最後，呢四個月來，無你哋嘅捧場，我什麼都不是，實在是無言感激！

唔知睇/FF得開心嘅你，會唔會買「碟」聽歌呢？

利申：我愛講故台^3^