求神畀我出一次Pool，點知畀埋個偶像男朋友我: 139

「GG，今次到另一批人。」他望向窗外說，我也跟著看，馬上裝作正襟危坐。

「喂！陳浩賢勁啵！」Richard牽著姐姐進來病房。

「哼，你個衰人，咁快就同我個寶貝妹過夜？！」姐姐毫不猶豫朝著陳浩賢受傷的手拍打下去，我馬上用手掌擋住。

「咁陳浩賢都無理由叫絲絲凌晨自己搭車㗎嘛～～」Richard幫我們說好話。

「咪係囉～～嘿嘿！！」我裝著可憐說。



「車，咁快就3 對1。」姐姐笑著對陳浩賢說：「真係估你唔到，唔係尋日Richard講曬所有野俾我知，我都仲以為你之前玩我阿妹，點知你就係……你都幾情深㗎啵。你知唔知絲絲呢……」

我馬上打斷她說：「咩啊，唔好亂講野啊！」

「呵，唔講囉～我本身諗住讚你哋都咁夾咋嘛。等等！」她在我耳邊說：「你今次真係真係好鍾意佢㗎？」

「嗯。」我藏不住笑容點頭。

「咁就好喇，我諗你都想見多啲陳浩賢㗎嘛？」姐姐突然放聲說話。



我和陳浩賢雙目對視，不敢回應。

「既然我同Richard返同一份工，放工時間一樣，與其佢成日送我返屋企，陳浩賢又成日送你，一於聽日開始我同Richard住屋企，你去hall同陳浩賢住，好唔好？」

「即係……？」我不敢相信。

「同居？！！！！！」我和陳浩賢異口同聲問。

「會唔會太快啊？我哋尋日先相認咋。」我害羞地說。



「嗯……咁就要睇你哋想唔想喇？」Richard看著陳浩賢，姐姐則看著我。

然後，陳浩賢靠在我耳邊說了幾句話。