求神畀我出一次Pool，點知畀埋個偶像男朋友我: 130

「唉，小妹妹你就讓下佢啦，佢有好多嘢唔應該而家知㗎，你都知佢家庭背景幾亂㗎啦。」待童姐離開後，陳浩賢望著Richard說。

「都係，比著係我都好難接受，希望佢大個唔好好似佢阿媽同阿哥就好喇。」Richard有點內疚地說。

「啊——你哋搞到我聽到好亂，即係點啊？究竟呢個小學雞係咩人黎㗎？」搞不清狀況的姐姐問。

「佢係阿軒嘅妹。其實所有嘢都係阿軒同佢阿媽搞出黎。」Richard深深地吸了一口氣，坦白地說。

「唔係掛，睇唔出佢係咁啵……咁今日到底發生咩事？」姐姐續問。



「今日你同Richard咪去演唱會先嘅，我諗住化多陣妝先到啊嘛，點知行出屋嗰陣阿軒居然同啲人捉咗我，仲迫我同佢復合，不過都要多得童姐搵陳浩賢先救到我，但阿軒就出蠱惑派人灑啲液體落我度，我無事，但陳浩賢就唔好彩咁彈到。」

「竟然發生咗啲咁嘅事……」姐姐撫摸著我的頭安慰我說。

「啊——死得喇！我未鎖屋企門就出咗黎！」我突然醒起來。

「真㗎？！！屋入面最值錢就係你部macbook！點算啊？而家好走喇！」姐姐沒有責怪我，只是焦急地說。

「咁啦，你同陳浩賢傾下計先，我同你家姐返去睇睇，whatsapp聯絡啦！」Richard向我説罷，便拉著姐姐離開病房。



這時，病房剩下我和陳浩賢兩人，還有兩位早已睡得咕咕叫的伯伯。

空氣突然變得稀薄，我面對著他，卻不知道要說些什麼。

該稱讚他的演出嗎？還是……？

「你點知我係我啊？」我們異口同聲問對方同一條問題，也只好一同傻笑。

「lady first.」他說。



「上星期童姐無意中話我知囉，係咪好蠢啊，咁遲先知～」

「唔會啦……我仲蠢，前日先知……同埋你都唔好成日話自己蠢啦，明明咁得意同咁善良。」

真的嗎？果然剛剛的確不是狂想，他是真的愛著我的缺點。

「咁嗰首日文歌你係幾時練㗎？」

「咪就係前日知，前日練囉……唔知今次我有無好過『阿May』呢？」

「阿May」是那天和阿軒分手時陳浩賢飾演的「角色」。

「點止好過啵…..」

「即係點啊？」



「有感情之餘又浪漫，只係發音唔太標準……7分啦。」

「咁少？」

「滿分係-100啊嘛……」我害羞地說。

「依～～你真係好flirty啊……沈絲絲！！！」他再次輕柔地撫摸我的頭，我馬上震了一下。

「咩啵，點夠你個仙女座flirty啵～」

「咁……等我出院一齊睇好唔好啊？」這時，他用另一隻沒有受傷的手握緊我。

「嗯。」我甜絲絲望著我們緊握著的手，心裡感到幸福無比。



接著，他輕拍病床空的位置，用嘴型說：「呢度好空啊……」

「下，你唔怕俾人發現咩？」我望望無人的四周，然後用嘴型問。

他搖頭示意不怕。

救命！！！他太邪惡了，這豈不是同床共枕嗎？

我們可是第一天相認呢！！！！！