求神畀我出一次Pool，點知畀埋個偶像男朋友我: 121

「但我都要同你講聲對唔住，因為我同你都係好似好似，你鍾意我欣賞你嘅好，同時我都只係鍾意你對我嘅好。根本，我哋只係各取所需，鍾意大家嘅優點，對於大家其他嘢，我哋根本無法接受。如果你知道我唔鍾意你咁悶，仲覺得你已經唔gentleman，你仲會唔會咁鍾意我？？」

阿軒看來生氣得說不出半個字，眼神也變得有點古怪。

「我喺呢兩個星期多真係上咗寶貴嘅一課，我好希望我哋都會搵到真心鍾意嘅人，而陳浩賢就……」

這時，陳浩賢打斷了我，大喊：「小心！」

他說畢便一手把我擁進他的懷抱裡，剛好避過中年男人在我正面撥過來的液體，不然我便變成真人版月影千草。



「阿軒，夠喇！你呢啲已經唔係愛，唔好做你第二個阿媽啦！我知俾人唱或者俾人飛係好hurt，但係咪報復完心理就平衡啲呢？係咪無其他方法呢？你大可以搵我同Richard傾㗎啵！」

看著陳浩賢激動的神情，似乎是聯想起個人經歷，他續說：「童童如果知道自己有個咁樣嘅阿哥，佢都會好失望。我而家警告你，你有一班神秘組織撐腰，我都有你阿妹信任，如果你唔想佢唔認你做阿哥，就同我好自為之！」

OMG！他居然想到用童姐威脅她哥哥，手法高明，不愧是陳浩賢！

阿軒這時帶同手下憤而離開，陳浩賢便牽著我的手說：「如果呢......演唱會超時，我就要俾人罰錢，你會唔會陪我跑過去啊？」

「跑？」我來不及反應。



「係，我拖住你就唔使驚。」

我點頭，他便牽著我的手一直跑，一直跑，經過了電車路、又穿過了LED燈牌大街，路途雖然遙遠，但跟著他的感覺又浪漫又熱血，並沒有一刻想鬆手。

終於我們來到了會場門口。

他鬆開我的手，說：「Sorry啊～我哋一陣間要扮唔識，你照show IG就得，我會行第二條通道入去。」

「哦，好……」我心跳還未平伏，只知道他原來已經知道了我的身份，而且再一次拯救了我！



「你得㗎，BU～」我踮腳在他耳邊說。

「知喇～」他向我單眼笑後，很快便在我眼前消失。

啊——我的心融化了——