求神畀我出一次Pool，點知畀埋個偶像男朋友我: 105

「絲絲～其實呢我有啲唔好意思。」Richard吃過晚飯後，趁姐姐上洗手間時認真地向我抱歉。

「咩啊？因為無幫我買飛？」

「唔係啊！我嗰晚咪睇過你手機三十秒嘅。」

「嗯？」我記得他看到我和BU的對話，我還因此以為他就是BU呢。

「嗰時咁啱彈通知見到BU搵你，但我呢……見你同阿軒好似仲sweet緊，又唔肯定某啲嘢……所以我自把自為咁幫你mute咗message。」



「下，你點解咁㗎！仲要而家先同我講？！」我生氣地說。

雖然BU未必會對我說什麼很重要的話，但畢竟他是我的偶像，也是我很投契的朋友，我這樣不理會他也是很不尊重。

何況那天他聽到我談戀愛時感覺有點失落，提醒我聽新歌時還預料我不會再找他。

「Sorry啊，我都係啱啱搞清楚曬啲關係。」他認真地說。

「咩關係啊？都唔知你講咩。等我睇下佢搵我講咩先。」



「講明先，你見到唔好嚇親啵……不過我一定係最驚嚇嗰個。」他越說越小聲。

嚇親？

我馬上打開和BU的聊天室，果然有很多未讀留言，我拉上到第一則我未讀過的訊息。

Richard說得沒錯，是那晚收到的訊息。

「你聽完首歌真係無再搵我……」



當時聽完我果真想不到該回應什麼。

旋律動聽？歌詞有趣？他顯然不想要這些回應。

「唔知你明唔明首歌把火其實係我，你就係個飛蛾呢，不過有機會就再同你解釋啦。」

果然，我真的是他們所說的曲中女主角，雖然心存感激，但無奈是我已有喜歡的人。

「老實講，我聽到你出pool心真係好痛，或者係m痛？！唔知你係咪會改埋個IG名呢？點都好，我想行開下先，但你有咩想講，我都會聽，就好似我哋之前咩都傾咁。」

之前什麼都聊？對，但因為阿軒和陳浩賢，我們就好像少了聯絡。

不，要是追溯最初的對話紀錄，他才是那個神出鬼沒的傢伙呢。

第一次的對話是在兩個月前沒課的星期四，正是陳浩賢答應保護我那天，但BU只是和我聊了一整個下午就沒再找我。



第二次找我是我和陳浩賢在宿舍吵架那晚，自那天起，他便每天找我，直到那天姐姐進醫院做手術。

第三次找我已經是兩星期後，得知姐姐可以出院，但我一告訴他有男朋友，他已經不想理踩我。

第四次就是我沒有看到的訊息，接收時間大概是陳浩賢來拿筆記簿之後。

回想起來，怎麼每次BU找我，甚至不找我，都是跟我身邊發生的事情有關呢？

還有BU和陳浩賢也是同一天離開，世界有這麼多巧合嗎？

太奇怪了！先繼續看他之後的訊息。