求神畀我出一次Pool，點知畀埋個偶像男朋友我: 97

等等！我要保持冷靜。

若我承認是認真，就要乘勢表白吧。

但一旦他對我無意，最壞打算將會是我以後失去這個朋友......

我能負擔起這個代價？

「Sorry。」他突然向我抱歉。



怎麼了？我是未表白先被拒絕嗎？

「其實我之前feel到你嘅心意，嗰晚我都發現自己係有啲嘢......」

「但？」我沉著氣，吞下口水，然後幫他把話接下去。

「但始終你係阿軒鍾意嘅人，我唔想件事咁複雜，同埋......」

所以他是對我有好感，只是因為他朋友先表明心意，他怕麻煩就要拱手相讓？



這根本談不上喜歡吧。

比起以往被拒絕，我的心這時來得更疼痛，還要強忍著快要滿溢的淚水。

「我一早有鍾意嘅人。」

他一拋下這句話，手機螢幕全是矇糊的，我根本無法看到眼前的字。

「哦，我都估到。」我抹去了手機上的水點，試圖掩飾自己的在意。



「點解嘅？」

「無啊，Richard前日唔小心漏口風話你為個女仔離開香港。」

我就知道那女孩不可能是自己。

「啊佢個死嘢！不過佢講得啱，我的確因為咁先去東京。」

「嗯。佢一定係對你好重要。」

不然，他才不會急忙訂單程機票到訪日本。

啊，那個女孩是東京人嗎？

「係啊，佢係我第一個咁想珍惜嘅好女仔。我希望喺度搵到答案後見佢。」



到了此刻，他終於對我說自己的事，但我不敢再聽有關那「東京女孩」的資訊。

「嗯，我眼訓喇，祝你幸福。」

其實祝福也不過是給自己最後的下台階。

説罷，我便上床休息。