求神畀我出一次Pool，點知畀埋個偶像男朋友我: 82

後來，所謂的遊戲不過是給機會Richard和姐姐曬恩愛，讓我更懷疑姐姐是否正在被這個超級雙面人矇騙著。

終於，遊戲不知不覺間就結束了，而因著夜深我和姐姐也選擇留宿一晚。

「喂，絲絲，過嚟啊～」可惡的Richard趁阿軒上洗手間，而姐姐在敷面膜時叫我過去看他們的書桌。

他從書櫃裡抽出BU的光碟，說：「係啵，真係有！乜你知我有買嘅？」

「無啊，估到囉～」我當然不會說是陳浩賢告訴我，然後我測試他：「不過你都唔駛買啦！」



「下，點解咁講？」Richard有點吃驚地問。

「唔好扮嘢啦，你就係BU！你居然背住我家姐偷食！！」我用氣聲揭穿他的假面具，深怕會讓苦命的姐姐再度受傷。

「痴線，都唔知你亂噏啲咩。」他忍不住大笑說。

「如果唔係，你點會睇穿曬BU首歌講咩？點會知道佢寫俾fans？」我繼續用氣聲說著。

「低B！」Richard馬上掏出手機，打開Youtube，拉到BU新歌下的留言區。



「你睇下呢度啦。」

原來Richard今天對歌詞的詮釋只是歸納了一眾歌迷的推測，看來他只想在姐姐面前逞威風。

而當中也有不少人猜想對方會否是歌迷，因為有人發現BU在他第一首歌《夏娃》的留言區回覆了唯一一個歌迷。

「Oh咁係邊個fans啊？」我有點在意。

「唔知呢，我以為你好鍾意佢會知道添。」



我馬上找一找他的留言。

「你識啲嘢。」這就是BU唯一一次的留言。

「車～以為個留言有啲咩特別。得四個字都作到個故仔，犀利！」

「咁我唔知喇。」Richard笑了一下，然後把CD放回原處。

「我知道你家姐以前俾個狗公呃過，但你放心，我絕對唔會呃佢，只會對佢一心一意。」Richard看著床上的姐姐笑說。

從Richard看姐姐溺愛的眼神，我果真看不出一絲虛假。

所以，BU應該是另有其人。