求神畀我出一次Pool，點知畀埋個偶像男朋友我: 77

「起身喇，男朋友～」鬧鐘一響，我便搖醒阿軒。

「早晨啊絲絲～」他揉揉眼睛，伸了個懶腰後繼續躺著床說。

「接家姐喇～你仲係好攰啊？」我看著他一臉疲倦的樣子，心裡有點不好意思。

「係啊～不如你自己出去，我今晚喺Hall煮大餐，你哋上嚟食順便慶祝出院好唔好啊？」

「下……人哋想你陪啵……」一聽到要自己出去，我馬上嘟起嘴撒嬌道。



「乖啦公主～返嚟有好野食㗎喇～」阿軒親了我額頭一下說。

「好啦咁，我換衫先，期待男朋友煮嘅野食！」他側躺在床上，專心看我脫去睡衣，又伸手按揉我的胸部。

「啊！」不是因為我那裡很敏感，而是想起他昨晚還沒聽BU的新歌便睡著，打算提醒他。

「唔好搞啦，嘿嘿～」我欲言又止說。

我突然不想讓他聽到這首歌，或者我不提起他便不會記得。



「咩喎～我只係搞你咋～」他淺笑。

我報以尷尬一笑，不知道該回應什麼便準備出門。

來到病房，Richard竟然比我還要早來到為姐姐收拾行李。

「家姐～我嚟喇～」我馬上投向姐姐的懷抱。

「咦，你個白馬王子呢？」Richard笑說。



「喂呀家姐！！」我鄙視著姐姐，居然把我對阿軒的稱謂告訴了Richard。

「嘿嘿，唔小心漏口啊嘛～咁阿軒呢？」姐姐調皮地問，然後對著鏡子化妝。

「佢話今晚喺佢Hall煮啲好野俾我地食啊，叫我自己接你先囉～」我自動自覺幫姐姐按摩小腿。

「哇，識咗個衰仔咁耐都係煮過一次俾我同陳浩賢。」Richard一臉驚喜說。

「嘿嘿，我食咗兩個星期lu～真係整得超好味！」

「開心死你啦～」Richard又惋惜地說：「不過有人歡喜有人愁，陳浩賢就勁sad～」

「下？佢平時笑騎騎咁，咩事啊？」姐姐掃著眼睫毛問，我也馬上放下手袋期待Richard答。

「哦～無，佢話最近打機係咁輸咋嘛～」



「超～」姐姐和我異口同聲說。