求神畀我出一次Pool，點知畀埋個偶像男朋友我: 40

「家姐啊，我問你一條問題啊～」我回到家後，如常幫姐姐按摩小腿說。

「問啦。」姐姐放下手機，抬頭看我。

「無啊，想問下呢Richard有無試過摸你個頭啊？」

「有啊～做咩啊？」

「咁係咩感覺㗎～」



「心動囉～你唔係煲好多少女漫嘅咩？無聽過『摸頭殺』？」

我搖搖頭。

「『摸頭殺』係指女仔被摸頭通常都會有心跳加速同觸電嘅感覺，所以有人話摸頭係可以將對方秒殺！」姐姐把「摸頭殺」的Wiki定義讀出來。

「哦，係咩。」我暗喜。

這代表不只是我一人的感覺。



「咁點解一定係摸頭先？」我再問。

「因為相關的感覺神經元位於毛囊底部。」姐姐在網站找到答案後說。

「要留意，男仔摸頭可以有好多意思，有啲係覺得好玩或者習慣，但通常都係想同你接近，順便試探你對佢嘅感覺。簡單啲講，就係對曖昧對象或者另一半先會咁做！」她看著我說。

「下，網上嘅嘢都唔可信嘅！」

陳浩賢之所以摸我的頭髮，是因為我們剛好提到染髮，那可是自然而然的事。



不然呢？

我連向普通男生表白都不成功，男神怎會對我有興趣？