求神畀我出一次Pool，點知畀埋個偶像男朋友我: 37

「唔好自爆。總之你小心啲，同埋千祈唔好同阿軒講，因為鍾意女Miss嘅人之後都遇到好多黑仔嘢。我怕佢有事，你都好快啲拒絕佢。」

陳浩賢馬上摀著我嘴，說。

「呢層我有分數啦，但我聽完你講仲係好驚，萬一你估錯原因，其實唔關有無鍾意嘅人，可能係咁啱未輪到我，咁我點算啊？」

我說著說著，一幻想到我變成其他女導師的樣子，眼淚就忍不住掉下來。

「你講得無錯......」他陷入沉思。



「咁不如……你保護我啦！你咁高大，喺你隔離肯定無人埋我身！」我想不到自己會說出這樣的話。

「但你唔怕佢地當我鍾意你咩......」他冷靜地說。

「痴線，你平時串柒我就有份！」

我突然想起：「但呢件事會唔會沒完沒了？」

「唔會，我個鋼琴老師話會盡快搞掂個女人，而家我地只需拖延時間就得。」



「咁即係你應承保護我？」我雙眼發亮看著他。

「唉，好啦！為咗保護阿軒同你，Deal！」他拍打我頭，笑著說。

最近事情的發展一次又一次超越我的想像。