求神畀我出一次Pool，點知畀埋個偶像男朋友我: 30

「阿妹，你咁樣唔得啵。」

過了兩星期，我把我和阿軒、陳浩賢的近況告訴姐姐。

「咩意思啊？」我一邊播放著BU的光碟，一邊為姐姐按摩小腿，不知所以地問。

因為姐姐在名牌店工作，每天站立超過八小時，為了答謝姐姐，我不時都會為姐姐按摩。

「即係呢，我明你好意，其實你同陳浩賢做gym唔係問題，但你又keep住同一個鍾意你嘅人食lunch，咁就唔太好囉。」



「兩個仲要係兄弟嚟。喂，痛啊！」她說罷，突然縮起腿。

「Sorry，唔覺意大力咗。」我想他們兩人想到有點出神，用力過度，只好轉話題：「咁你呢？同Richard 拍成點啊？」

「都係一星期返工見三日，放假就去佢個Hall hea囉！」姐姐露出由衷的笑容。

想起以前姐姐被情騙的經歷，現在一切都雨過天晴吧。

「不過呢，我始終大佢兩年，好多諗法已經好唔同。佢有時都幾似小朋友。」



「我哋由細到大都無老豆老母，我又有你呢個阿妹，好自然慣咗乜都自己決定，但佢就好想管住我咁。」

「仲有佢一有錢就話帶我食好嘢，都唔肯儲下錢。」

「唉，呢啲價值觀唔夾聽落好麻煩，咁點解仲一齊？」我問。

果然，我之前的隱憂確實存在。

或者沒有Richard，姐姐的焦點就只有我，多好呢！



「雖然要數會數到佢好多唔好嘅地方，但因為好鍾意佢，呢啲唔好嘅都會變到好細，所以我會選擇同佢傾，都係互相遷就嘅啫。」

「咦，佢send咗個meme俾我，好搞笑！」

她把手機向我一遞，我瞄了一眼，一點都不好笑。

看來姐姐的意思是「愛」會包容對方的所有。

如是者，如果我是愛阿軒，為什麼我依然不太想親近他呢？

那都是很好很好的，可是我偏不喜歡。

我心裡暗暗責備自己，說要出pool又嫌棄別人。

那麼，我有需要拒絕他嗎？



但我卻有點不捨……那都是除了姐姐外，第一次感受別人對我無條件的關愛。