求神畀我出一次Pool，點知畀埋個偶像男朋友我: 23

到底誰人會介意我生氣與否？

大概是傳錯人吧。

我沒有理會，爬上床便繼續聽歌。

頃刻，房門打開，我馬上蓋上被子裝睡。

因為她回來了。



「阿妹！今日真係超級開心啊！Richard送咗條超靚頸鏈俾我！仲有呢……」姐姐說。

「咦！你拆咗份禮物……？」

「訓教，聽日講。」我忍不住打斷姐姐，為著她重色輕妹而報復。

「Sorry啊，你應該知係Richard叫我唔好講俾你知，佢話有個特別人送俾你，叫我扮係我送。」

「我知。」我冷淡說。



「你好似介意啵。我知喇，你係咪以為我無準備禮物俾你呢？」

聽到這裡，我禁不住打開雙眼，猜想我會得到什麼禮物。

希望會是……

「我見你聽咗成晚BU首愚人節，知你應該好鍾意，突登幫你撲到BU隻處女作簽名碟！」

我轉身看床下的姐姐，手上果然是寫著《BU-夏娃》的光碟。



「哇！」我下床衝著姐姐抱著說：「多謝家姐！我超想要呢隻啊！」

我一拿到光碟，馬上聞聞BU的簽名，果然是散發著淡淡的幽香！

「阿妹，你係咪傻㗎，第一次見人唔係聽唔係望，係聞。」

「哈哈！好開心啊，你知唔知有人話你鍾意嗰樣野，陣味就會好香㗎？」

「等我聞下先。」姐姐馬上裝作聞聞看說：「我聞到你啲痴女口水味咋！」

「哈哈！邊有！」我傻傻地看著光碟發笑。