求神畀我出一次Pool，點知畀埋個偶像男朋友我: 17

「多謝你打嚟關心我，我好開心。」

掛線後，我WhatsApp他。

「你開心就夠喇，其實今日我都好開心，應該係我咁大個仔過得最開心嘅一日。」

「咁誇張？」

「真㗎，你好得意。」



「係咩？我好粗魯，諗到咩就講。頭先仲因為怕你哋笑講大話添，有啲唔好意思。」

「唔係啵，我覺得你講野好搞笑，明明同年，但你就好似個小妹妹咁XD」

「um……都唔知應唔應該開心XD」

「我嗰時真係信咗你occupied，不過我唔會怪你㗎！」

「點解啊？」



「因為你真實唔係就好。」

慘了，心跳又開始加快，該不會我對每個男生都心動吧？